दाटीवाटीत बसण्याचा त्रास आम्हाला व्हायला पाहिजे, तुम्हाला का त्रास होतोय? अजित पवार संतापले

व्हिडीओ व्हायरल करणारा मूर्ख आहे

पंतप्रधानांच्या दौऱ्यामध्ये कोण कुणाच्या गाडीत बसणार, कुठे बसणार हे चेक होत असतं. पुढे गाडीचा चालक आणि मुख्यमंत्री एकनाथ शिंदे तर मागे मी स्वत: होते, देवेंद्र फडणवीस आणि चंद्रशेखर बावनकुळे बसणार होतो. पण ताफा एकदम पुढे गेल्याने आमचे मंत्रिमंडळातील सहकारी गिरीश महाजन यांना बसायला गाडी नसल्याने मीच त्यांना म्हटलं आपण दाटीवाटीने जाऊ. शेवटी आम्ही काही रुबाब दाखवणारी माणसं नाही. एकमेकांना सांभाळून, एकमेकांना सोबत घेऊन जाणारी माणसं आहोत, अशी सारवासारव अजित पवार यांनी व्हायरल व्हिडीओवर बोलताना केली.

पंतप्रधान मोदींच्या सोलापूर दौऱ्याआधी चंद्रकांतदादांनी सुशीलकुमार शिंदेंची भेट घेतली, म्हणाले…
दाटीवाटीत बसण्याचा त्रास आम्हाला व्हायला पाहिजे, तुम्हाला का त्रास होतोय?

जे व्हिडीओ व्हायरल करतायेत, त्यांची मला कीव करावीशी वाटते. विकासाचं बोलुयात ना आपण… गाडीत किती बसले, कोण बसले… अरे दाटीवाटीचा त्रास जे गाडीत बसले त्यांना होईल ना… तुम्हाला त्रास व्हायचं काय कारण आहे? असा प्रश्न अजित पवार यांनी संतापून विरोधकांना विचारला.

‘आमच्यासोबत या’ भाजपकडून फोन पण राजू शेट्टींचा नकार, लोकसभेसंदर्भात मोठा निर्णय जाहीर
तिसरा दार उघडा म्हणतोय पण आम्ही गाडीत घेतलं नाही, असा व्हिडीओ आहे काय?

नको त्या विषयांवर बोलण्यात अर्थ नाही. त्यामुळे अधिक स्पष्टीकरण देण्याची गरज वाटत नाही. पण गाडीत जागा असताना देखील तिसऱ्या व्यक्तीला आम्ही गाडीत घेत नाही. तो दार उघडा म्हणतोय पण आम्ही दार उघडत नाही, असं जर झालं असतं तर नक्की बोलण्याचा अधिकार होता. परंतु असं काहीही झालं नाही. विरोधकांनी उगीच कोणताही विषय मोठा करू नये, असा सल्लाही त्यांनी दिला.