गद्दारी करणाऱ्यांना लोक जागा दाखवतील, राज्यात मोकाट रेडे सुटल्याने गुजरातचे भले : रोहित पवार

रुबाब पूर्वी होता, आता एकाच सीटवर चौघं दाटीवाटीने बसतात, रोहित पवारांचा निशाणा
पूर्वीचे राजकारण क्रिकेटसारखे, दोन्ही संघ समोरासमोर खेळायचे पण आता पंच एकाच बाजूने निकाल देणारे

राजकारण आणि क्रिकेटवर बोलताना आमदार रोहित पवार म्हणाले, “पूर्वीचे राजकारण क्रिकेटसारखे होते. दोन्ही संघ समोरासमोर खेळायचे. आता मात्र पंच एकाच बाजूने निकाल देणारे असतील तर मग कुठे तरी बदल होतो. आजचे राजकारण खालच्या पातळीवर सुरु आहे. इथे कोणता संघ जिंकणार, कोणत्या संघाला जिंकवायचे हे आधीच ठरले जाते. त्यामुळे लोकशाही बाजूला राहते. पण क्रिकेटच्या पीचवर आल्यावर मला एक दिशा मिळते. राजकारण कसे असावे, हे समजते. विरोधक कितीही खालच्या पातळीवर गेले तरी राजकारण क्रिकेटसाठी असावे असे मला वाटते”

बारामतीत अजितदादांची तोफ कडाडली; शरद पवार गटाच्या पदाधिकाऱ्यांचा घेतला समाचार, म्हणाले…
राज्यात मोकाट रेडे सुटल्याने गुजरातचे भले

राज्यात मोकाट रेडे सुटले आहेत या उपमुख्यमंत्री देवेंद्र फडणवीस यांच्या विधानांचा त्यांनी समाचार घेतला. राज्यात मोकाट रेडे सुटल्याने गुजरातचे भले होत आहे. भाजपचे नेते हे महाराष्ट्राचा विचार न करता गुजरातचा विचार करीत आहे असे ते म्हणाले.

Rohit Pawar: सत्ता-मंत्रिपदासाठी फक्त अजितदादाच योग्य वयाचे; आजोबांना रिटायर्ड व्हायला सांगणाऱ्या काकांना रोहित पवारांचा टोमणा
शरद पवार यांच्याकडे बघून लोकांचे मतदान

शरद पवार यांनी आजवर आपल्या छत्रछायेत अनेकांना मोठे केले. निवडून आणण्याची ताकद त्यांच्याकडे आहे. त्यांच्याकडे बघून लोकांनी मतदान केले. सत्तेत पवार यांनी अनेकांना संधी दिली. त्यामुळेच बारामतीचा विकास होवू शकला. आपण मोठे होत असताना जेवढा वाटा आईचा असतो तेवढाच वडिलांचा असतो, असेही ते म्हणाले. अजित पवार यांची पूर्वीची स्टाईल लोकांना आवडायची. त्यांनी आता मतभेद असल्याचे मत व्यक्त केले आहे, पण ही भूमिका त्यांची नसावी, असेही आमदार पवार म्हणाले.