देवरा सेनेत, काँग्रेस आमदार केसरकरांच्या पत्रकारपरिषदेत,तर्क वितर्क सुरु होताच स्पष्टीकरण

म. टा. खास प्रतिनिधी, मुंबई : लोकसभा निवडणुका जवळ येत असतानाच, मुंबईत काँग्रेसला पहिला धक्का माजी खासदार मिलिंद देवरा यांचा शिवसेनेतील पक्षप्रवेशामुळे बसला. बुधवारी देवरा यांचे समर्थक आमदार अमिन पटेल हे मुंबई महापालिकेतील मुंबई शहर पालकमंत्री दीपक केसरकर यांच्या पत्रकार परिषदेत प्रत्यक्ष व्यासपीठावर उपस्थित होते. त्यामुळे पटेलही शिवसेनेत प्रवेश करणार का? अशा विविध चर्चांणा उधाण आले होते. मात्र, पालकमंत्र्यांसोबतची बैठक ही पूर्वनियोजित होती. तसेच आपण काँग्रेसमध्येच राहणार असल्याचे अमिन पटेल यांनी गुरुवारी स्पष्ट केले.
देशातील सर्वात मोठा प्रकल्प सोलापुरात, आज मोदींच्या हस्ते लोकार्पण; कसा आहे प्रकल्प?
अमिन पटेल हे मुंबादेवीतील काँग्रेसचे आमदार आहेत. दक्षिण मुंबईतून निवडणूक लवढवण्यास इच्छुक असलेले काँग्रेसचे माजी खासदार मिलिंद देवरा यांनी तीन दिवसांपूर्वीच सहा माजी नगरसेवक आणि काही पदाधिकाऱ्यांसह मुख्यमंत्री एकनाथ शिंदे यांच्या शिवसेनेत प्रवेश केला. या जागेवर उद्धव ठाकरे गटाचा दावा आहे, त्यामुळे देवरा यांना संधी मिळत नव्हती. त्यामुळेच पक्ष सोडण्याचा निर्णय घेतल्याचे सांगितले जाते. देवरा यांच्या पक्षप्रवेशामुळे दक्षिण मुंबईत काँग्रेसला खिंडारच पडल्याची चर्चा सुरू झाली. देवरा यांनी शिवसेनेतील प्रवेशाचा पुन्हा एकदा विचार करावा, असे आवाहनही मुंबई काँग्रेसकडून करण्यात आले होते. देवरा यांचे काही समर्थकही येत्या काळात शिवसेनेत प्रवेश करणार असल्याचे सांगितले जाते.
अयोध्येत श्रीराम मंदिराच्या गर्भगृहात रामलल्ला विराजमान, श्यामरंगी मूर्तीची पहिली झलक समोर
त्याचवेळी बुधवारी आमदार पटेल हे महापालिकेत झालेल्या पत्रकार परिषदेत पालकमंत्री केसरकर यांच्यासोबत व्यासपिठावर होते. त्यानंतर सह्याद्री अतिथीगृह येथे झालेल्या पत्रकार परिषदेतही केसरकर यांच्यासोबत होते. त्यामुळे पटेलही शिवसेनेत जाणार असल्याची चर्चा रंगली होती. मात्र, माझ्या मतदारसंघातील कामानिमित्त १७ जानेवारीला पालकमंत्र्यांसोबत असलेली बैठक ही पूर्वनियोजित असल्याचे अमिन पटेल यांनी सांगितले. तसेच दहा विद्यार्थिनींना न्युयॉर्क येथील बरो ऑफ मँनहटन कम्युनिटी कॉलेज शिष्यवृती देण्याचे जाहीर केले आहे. त्यासंदर्भातील मुंबई पालिका मुख्यालयात घेतलेल्या पत्रकार परिषदेत स्थानिक आमदार म्हणूनही पालकमंत्र्यांनी मला उपस्थित राहण्यास सांगितले. त्यामुळे पक्षांतराच्या चर्चेत तथ्य नसून, मी काँग्रेसमध्येच राहणार असल्याचे पटेल यांनी स्पष्ट केले.
उपमुख्यमंत्री नामदार उद्धव ठाकरे, आडम मास्तरांचा घोळ, म्हणाले फडणवीसांच्या जोडीने नाव तोंडात बसलं
Read Latest Maharashtra News And Marathi News

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.