नियम काय फक्त सर्वसामान्यांसाठीच आहेत काय? नियम तोडणाऱ्या टोइंग व्हॅन चालकाला वकिलाचा दणका, भरावा लागला दंड

जुन्या भांडणाचा राग मनात, मित्राच्या अंगावर गाडी घालून फरफटत नेलं, पुण्यातील संतापजनक घटना

‘कोणतेही कायदे किंवा नियम हे केवळ सर्वसामान्य नागरिकांसाठीच नसतात. आपणही त्यांचे पालन करण्यास बांधील आहोत, याचा संबंधित यंत्रणेतील कर्मचाऱ्यांना अनेकदा विसर पडतो व याचीच आठवण करून देण्याचा मी दक्ष नागरिक म्हणून केला’, असे अॅड. आडकर यांनी सांगितले. ‘टोइंग व्हॅनच्या चालकाने गणवेशासह गळ्यात ओळखपत्र घालणे आवश्यक आहे. तसेच गाडीच्या दर्शनी भागात काचेवर ‘पीयूसी’ प्रमाणपत्र लावायला हवे. याशिवाय ड्रायव्हिंग लायसन्स, गाडीचे फिटनेस सर्टिफिकेट आणि इन्शुरन्सची कॉपी सोबत ठेवणे गरजेचे आहे. परंतु पोलिसांच्या वापराच्या अशा गाड्यांची फारशी तपासणी होत नाही. परिणामी संबंधित कर्मचारीही त्याकडे दुर्लक्ष करतात. वाहतुकीचे नियम हे पोलिस आणि सर्वसामान्य वाहनचालकांचा सुरक्षेच्या दृष्टीने महत्त्वाचे व अपघात टाळण्यासाठी आहेत. त्यामुळे सर्वांकडून त्यांचे काटेकोर पालन व्हायला हवे’, अशी अपेक्षाही त्यांनी व्यक्त केली.

दोन महिन्यांपूर्वीही असाच प्रसंग

दोन महिन्यांपूर्वीही वांद्रे न्यायालयाबाहेर अशाच पद्धतीने नियम मोडणाऱ्या पोलिस कर्मचाऱ्याला अॅड. आडकर यांनी त्याची चूक लक्षात आणून दिली होती. टोइंग व्हॅनवरील अंमलदार, प्रभारी अधिकारी, चालक किंवा अन्य कर्मचाऱ्यांकडून अटी व शर्तींचे उल्लंघन होत असल्यास सामान्य नागरिक अशाचप्रकारे पुराव्यासह संबंधित हद्दीतील वाहतूक पोलिस कार्यालयात तक्रार करू शकतात’, असे त्यांनी नमूद केले.