Tej Police Times
फडणवीस म्हणाले उदयनराजे आयपीएल टीमचे मालक, शशिकांत शिंदे म्हणाले शरद पवार IPL चे जनक, तेच…
सातारा : खासदार शरद पवार हेच आयपीएलचे जनक असून त्यांनीच देशात आयपीएल आणलं. त्यामुळे कोणता खेळाडू पुढे आणायचा, कोणता संघ खेळणार, कोणाची विकेट घ्यायची हे शरद पवारच ठरवतील, अशी राजकीय गुगली टाकत शशिकांत शिंदे यांनी भविष्यातील राजकीय उलथापालथीचे संकेत दिले आहेत. सातारा येथे शासकीय विश्रामगृहावर आयोजित पत्रकार परिषदेत ते बोलत होते.
कऱ्हाड येथील कृष्णा कृषी प्रदर्शनाच्या उद्घाटन प्रसंगी उपमुख्यमंत्री देवेंद्र फडणवीस यांनी खासदार उदयनराजे भोसले यांना आयपीएलच्या संघाचे मालक असे संबोधले होते. त्याबाबत छेडले असता आमदार शिंदे म्हणाले, खासदार शरद पवार यांनीच देशात आयपीएल आणली आहे. त्यामुळेच कोणता संघ खेळेल, कोणता खेळाडू पुढे येईल. हे तेच ठरवतील.माझी चर्चा झाली तर इतर सावध होतात
कऱ्हाड येथील कृष्णा कृषी प्रदर्शनाच्या उद्घाटन प्रसंगी उपमुख्यमंत्री देवेंद्र फडणवीस यांनी खासदार उदयनराजे भोसले यांना आयपीएलच्या संघाचे मालक असे संबोधले होते. त्याबाबत छेडले असता आमदार शिंदे म्हणाले, खासदार शरद पवार यांनीच देशात आयपीएल आणली आहे. त्यामुळेच कोणता संघ खेळेल, कोणता खेळाडू पुढे येईल. हे तेच ठरवतील.
शशिकांत शिंदे म्हणाले, कारसेवक असल्याचे पुरावे देवेंद्र फडणवीस यांना द्यावे लागतात, हेच दुर्दैवी आहे. बाबरी मशीद पाडली, त्यावेळी कोणी जबाबदारी घेत नव्हते. परंतु, दिवंगत बाळासाहेब ठाकरे यांनी धाडस दाखवले. शिवसेनेने घटनेची जबाबदारी घेतल्याचे व त्या शिवसैनिकांचा अभिमान असल्याचे जाहीर केले. आज मात्र सर्वजण याचे श्रेय घेत आहेत.
शिंदे म्हणाले, मराठा आरक्षणाबाबत ज्या नेत्यांची भूमिका स्पष्ट आहे, त्यांच्याबाबत गावबंदीचा निर्णय घेताना विचार करावा. अन्यथा सरसकट सर्वच नेत्यांबाबत चुकीचा संदेश जाईल.सरकारने समाजात तेढ वाढू नये, यासाठी प्रयत्न करावे आणि आरक्षणाचा प्रश्न किती दिवसांत मार्गी लावणार हे स्पष्ट करावे, असंही ते म्हणाले.
मुंबईला आंदोलनकर्ते आले, तर मुंबई आणि पर्यायाने देश ठप्प होईल. देशाची निवडणूक लोकांनी हातात घेतली तर इतिहास घडेल. अन्यथा पुढील निवडणूक होईल हेही सांगता येणार नाही.
भारत जोडो न्याय यात्रेच्या बसजवळ जमाव जमला, मोदींच्या घोषणा, राहुल गांधींची खास रिअॅक्शन,आसाममध्ये काय घडलं?
भाजपाने इतर पक्षातील मातब्बर नेते घेतले तरीही ईडीच्या धाडी विरोधकांच्या घरी पडत आहेत. हीच का लोकप्रियता? असा सवाल त्यांनी केला.
माझी चर्चा झाली तर इतर सावध होतात
लोकसभेसाठी माझ्या नावाची चर्चा होत असल्याचा आनंद आहे. पण माझ्या उमेदवारीबाबत सध्या तरी बोलणार नाही. कारण मी बोललो की बाकीचे सावध होतात, असा सावध पवित्रा घेतला, शशिकांत शिंदे यांनी घेतला.
लोकशाही टिकण्यासाठी पहिजे ती किंमत आम्ही मोजू, कितीही अडचणी आल्या तरी एकत्र राहावं लागेल : शरद पवार
Read Latest Maharashtra News And Marathi News