Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
चालत्या गाडीतच प्रॉपर्टी डिलरला संपवलं, हत्येमागील रहस्य उलगडलं, भयंकर कारण समोर
म.टा. प्रतिनिधी, नागपूर: पैशांवरून सतत वाद घालून अपमानित करीत असल्यानेच प्रॉपर्टी डिलर आदित्य ऊर्फ गोटू ऊर्फ विनोद बोंद्रे (वय ३५, रा. टेलिफोननगर) यांची हत्या करण्यात आल्याचे समोर आले आहे. या खून प्रकरणातील आरोपींचा अवघ्या आठ तासांत छडा लावत नागपूर ग्रामीणच्या स्थानिक गुन्हेशाखा पोलिसांनी सूत्रधारासह तीन मारेकऱ्यांना भंडाऱ्यातील लाखनी येथे अटक केली.
सचिन परसराम फेंडरकर (वय ३७, मूळ रा. लाखनी), रोशन बालाजी बोकडे (वय ३५) आणि मृणाल उर्फ मोंटू अरुण भोयर (वय २६, रा. चिखली पुनर्वसन, ता. कुही) अशी अटकेतील मारेकऱ्यांची नावे आहेत.
सचिन परसराम फेंडरकर (वय ३७, मूळ रा. लाखनी), रोशन बालाजी बोकडे (वय ३५) आणि मृणाल उर्फ मोंटू अरुण भोयर (वय २६, रा. चिखली पुनर्वसन, ता. कुही) अशी अटकेतील मारेकऱ्यांची नावे आहेत.
आदित्य व सचिन या दोघांनी भागीदारातील प्रॉपर्टी डीलिंगचा व्यवसाय केला. त्यांनी दिघोरी परिसरात यशश्री लॅण्ड डेव्हलपर्स नावाने कार्यालय उघडले. व्यवहाराचे पैसे आदित्य हे देत नव्हते. विचारणा केल्यास ते सतत अपमानपस्पद वागणूक द्यायचे. त्यामुळे त्यांचा काटा काढण्याचा कट आखला, असे सचिन याने पोलिसांना सांगितले.
रविवारी दुपारी १ वाजताच्या सुमारास आदित्य यांच्या कारने मारेकरी चांपा परिसरात गेले. धावत्या कारमध्ये चाकूने वार करून त्यांचा खून केला व पसार झाले. पसार झाल्यानंतर पाचगाव परिसरात सचिनने एमएच-३१-डब्ल्यूएस ०००१ या क्रमांकाची कार बोलाविली. या कारने मारेकरी लाखनी येथे गेले.
पोलिस अधीक्षक हर्ष पोद्दार यांच्या मार्गदर्शनाखाली गुन्हेशाखेचे निरीक्षक ओमप्रकाश कोकाटे, हेडकॉन्स्टेबल अरविंद भगत, गजेंद्र चौधरी, मयूर ढेकले, संजय बांते, राकेश, आशुतोष यांनी मारेकऱ्यांचा शोध सुरू केला. मारेकरी लाखनीत असल्याचे कळताच पोलिसांचे पथक तेथे पोहोचले. तिघांना अटक करून कुही पोलिसांच्या स्वाधीन केले. कुही पोलिसांनी तिघांना न्यायालयात हजर केले. न्यायालयाने त्यांची २५ जानेवारीपर्यंत पोलिस कोठडीत रवानगी केली.