कारचालकाची बाईकला धडक, बोनेटवर चढून चार किमीपर्यंत गाडी अडवण्याचा प्रयत्न; Video व्हायरल

नागपूर : नागपूर जिल्ह्यात एक धक्कादायक व्हिडिओ समोर आला आहे. कारच्या बोनेटवर चढून गाडी थांबवली जात असल्याचं तुम्ही सिनेमात पाहिलं असेल, पण अशीच एक घटना नागपुरात घडली आहे. जिथे एका कार चालकाने दुचाकीला धडक दिली. यावेळी दुचाकी चालकाने कार चालकाला थांबवण्याचा प्रयत्न केला. मात्र, कार चालकाने पळ काढला. त्यानंतर दुचाकीस्वार थेट कारच्या बोनेटवर चढला आणि गाडी थांबवण्याचा प्रयत्न केला. मात्र, कार चालकाने कार थांबवली नाही तर दुचाकीस्वाराला ४ किलोमीटरपर्यंत नेले. ही संपूर्ण घटना एकाने आपल्या कॅमेऱ्यात कैद केली जी सोशल मीडियावर मोठ्या प्रमाणात व्हायरल होत आहे.

नागपूरच्या अजनी पोलीस स्टेशन अंतर्गत नरेंद्र नगर रिंगरोड येथे मंगळवारी रात्री ही घटना घडली आहे. यात कारच्या चालकाने दुचाकीस्वाराला धडक दिली त्यानंतर दुचाकीस्वाराने कार थांबवण्याचा प्रयत्न केला. मात्र, यादरम्यान कार चालकाने कार सुरू करून तेथून पळून जाण्याचा प्रयत्न केला. त्यानंतर दुचाकीस्वार गाडीच्या बोनेटवरच बसला.
मनोज जरांगे मनुवादी, उदयनराजे आणि सरदारांच्या घराण्यांना कुणबी सर्टिफिकेट देणार का? : लक्ष्मण माने
नरेंद्र नगर ते ओंकार नगर चौकापर्यंत सुमारे ४ किलोमीटर अंतरापर्यंत कार चालकाने त्याला गाडीच्या बोनेटवर बसवले. मात्र, यादरम्यान रस्त्याने जाणाऱ्यांनी या घटनेचा व्हिडिओ बनवला जो सध्या सोशल मीडियावर व्हायरल होत आहे. या घटनेने ओंकार नगर चौकात लोकांची गर्दी जमली आणि बोनेटवर बसलेल्या दुचाकीस्वारानेही धाडस दाखवत कारचे स्टेअरिंग पकडले. त्यानंतर कार चालकाला त्याची कार थांबवण्यास भाग पाडण्यात आले. या घटनेची माहिती तिथे जमा झालेल्या नागरिकांनी अजनी पोलिसांना दिली. पोलिसांनी कार चालकावर गुन्हा दाखल केला असून अधिक तपास करत आहेत.

पाकिस्तान क्रिकेटमध्ये मोठा भूकंप, खेळाडूंनी बंड करण्यासाठी सुरु केलं भन्नाट प्लॅनिंग