Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
अजितदादांचा जुन्नर दौरा, भव्य शेतकरी मेळावा घेणार, कोल्हेंच्या अडचणी वाढविण्यासाठी प्रयत्न
पुणे : राष्ट्रवादीचे अध्यक्ष शरद पवार यांच्या जुन्नर दौऱ्यानंतर आता राज्याचे उपमुख्यमंत्री अजित पवार हे जुन्नर दौऱ्यावर येणार आहेत. त्यामुळे जुन्नर तालुक्यातील राजकीय वातावरण तापण्यास सुरुवात झाली आहे. लोकसभा निवडणुकीच्या पार्श्वभूमीवर अजित पवार यांच्या दौऱ्याला महत्व प्राप्त झालं आहे. कारण काही दिवसांपूर्वी खासदार अमोल कोल्हे यांना पराभूत करण्याचा निर्धार अजित पवार यांनी बोलून दाखवला होता. आता थेट त्यांच्या होम ग्राऊंडवर येऊन अजितदादा शक्तिप्रदर्शन करतील. यात काही राजकीय प्रवेश होणार असल्याच्याही चर्चा आहेत.
दोन आठवड्यापूर्वी शरद पवार हे विघ्नहर सहकारी साखर कारखान्याच्या कार्यक्रमानिमित्त जुन्नर तालुक्याच्या दौऱ्यावर आले होते. त्यांचा हा दौरा विशेष गाजला होता. या दौऱ्यात विघ्नहर सहकारी साखर कारखान्याचे संचालक सत्यशील शेरकर हे शरद पवार गटात जाणार असल्याच्या चर्चा रंगल्या होत्या. मात्र अद्याप सत्यशील शेरकर यांनी भूमिका जाहीर केली नाहीये. शरद पवार यांच्या दौऱ्यानंतर काहीच दिवसांत अजित पवार दौरा करत असल्याने त्यांच्या हा दौरा राजकीयदृष्ट्या महत्वाचा मानला जात आहे. कारण या दौऱ्यात बेरजेच्या राजकारणाच्या अनुषंगाने अमोल कोल्हेंना अडचणीत आणण्यासाठी ते फासे टाकण्याची शक्यता जुन्नरच्या राजकीय वर्तुळात व्यक्त केली जातीये.
दोन आठवड्यापूर्वी शरद पवार हे विघ्नहर सहकारी साखर कारखान्याच्या कार्यक्रमानिमित्त जुन्नर तालुक्याच्या दौऱ्यावर आले होते. त्यांचा हा दौरा विशेष गाजला होता. या दौऱ्यात विघ्नहर सहकारी साखर कारखान्याचे संचालक सत्यशील शेरकर हे शरद पवार गटात जाणार असल्याच्या चर्चा रंगल्या होत्या. मात्र अद्याप सत्यशील शेरकर यांनी भूमिका जाहीर केली नाहीये. शरद पवार यांच्या दौऱ्यानंतर काहीच दिवसांत अजित पवार दौरा करत असल्याने त्यांच्या हा दौरा राजकीयदृष्ट्या महत्वाचा मानला जात आहे. कारण या दौऱ्यात बेरजेच्या राजकारणाच्या अनुषंगाने अमोल कोल्हेंना अडचणीत आणण्यासाठी ते फासे टाकण्याची शक्यता जुन्नरच्या राजकीय वर्तुळात व्यक्त केली जातीये.
खासदार डॉ. अमोल कोल्हे यांना अजित पवार यांनी पराभूत करण्याचे चॅलेंज दिल्यानंतर उपमुख्यमंत्री अजित पवार हे अमोल कोल्हे यांच्या होमग्राऊंडवर येत आहेत. जुन्ररमध्ये अजित पवारांच्या हस्ते विविध विकासकामांची उद्घाटने देखील संपन्न होणार आहे. अजित पवार यांच्या जुन्नर दौऱ्याने कार्यकर्त्यांमध्ये वेगळाच उत्साह असल्याचं पाहायला मिळतंय.
राष्ट्रवादीत दोन गट पडल्यानंतर शरद पवार आणि अजित पवार असे दोन गट पडले. त्यात जुन्नरचे आमदार अतुल बेनके यांनी तटस्थ भूमिका घेतल्याने बेनके अंतिमत: नक्की कोणत्या पवारांच्या गटात जाणार, हे अद्यापपर्यंत त्यांनी जाहीर केलेलं नाही. त्यामुळे उद्याच्या कार्यक्रमाला बेनके हजर राहतात का? हे देखील पाहावं लागेल. निवडणुकीपर्यंत थेट राजकीय भूमिका टाळण्याचा बेनके यांचा प्रयत्न आहे.