नाशिकमधील चौघांना पोलिस पदक; कर्तव्यनिष्ठांना आयुक्तांकडून पदोन्नतीचे बक्षीस, कोणाला मिळाली पदोन्नती?

सहायक उपनिरीक्षक अशोक काकड यांनादेखील पदक जाहीर झाले असून, ते सध्या पंचवटी पोलिस ठाण्यात कार्यरत आहेत. त्यांना २८१ बक्षिसे, नऊ प्रशंसापत्रे मिळालेली आहेत. वाहतूक विभागातील हवालदार नितीन संधान यांनाही पदक मिळाले आहे. त्यांनी ३३ वर्षांच्या सेवेत २२० बक्षिसे, पाच प्रशंसापत्रे मिळविली असून, २०२२ मध्ये ते पोलिस महासंचालकांच्या सन्मानचिन्हाने सन्मानित झाले आहेत. पोलिस आयुक्तालयातील चार पोलिस अधिकारी व अंमलदारांना उत्कृष्ट कामकाजामुळे गुणवत्तापूर्ण व उल्लेखनीय सेवेसाठी पदक जाहीर झाल्याने अधिकारी, कर्मचाऱ्यांत उत्साह दिसून आला.
अकराशे पोलिसांना पदके जाहीर; ‘BSF’मधील दोघांना मरणोत्तर राष्ट्रपती शौर्य पदक
…यांना मिळाली पदोन्नती

पोलिस आयुक्त संदीप कर्णिक यांनीदेखील शहर पोलिस दलातील अंमलदारांना २६ जानेवारीच्या पूर्वसंध्येला पदोन्नतीचे बक्षीस दिले. यामध्ये सहायक उपनिरीक्षकपदी यशवंत गांगुर्डे, अशोक वाजे, अनिल गांगुर्डे, मंगेश दराडे, अश्पाक तांबोळी यांचा समावेश आहे. हवालदारपदी संगीता कनोज, राहुल सोळरो, जॉर्ज कांबळे, आशिष गायकवाड, सारिका गवळी, संतोष ठाकूर, विलास पवार यांना पदोन्नती मिळाली आहे.