Tej Police Times
देव दर्शनाला जाताना काळाची झडप, भरधाव कार कठड्यावर आदळली; आजोबांसह चिमुकल्या नातवाचा मृत्यू
सातारा : मेढा – सातारा रस्त्यावर (ता. सातारा) हमदाबाज जवळील वळणावर भरधाव कार ओढ्याच्या पुलावरील कठड्यावर आदळून झालेल्या अपघातात आजोबा व तीन महिन्याच्या नातवाचा मृत्यू झाला आहे. तर मृत मुलाचा मामा, आजी, आई व बहीण असे चौघे जण जखमी झाले आहेत. हे सर्वजण पाल येथे दर्शनाला निघाले होते. या दुर्घटनेमुळे सावली (ता. जावळी) गावावर शोककळा पसरली आहे.
नामदेव पांडुरंग जुनघरे (वय ५८, रा. सावली) व आद्विक अमर चिकणे (वय तीन महिने) अशी मृतांची नावे आहेत. तर, मुलाची आजी सुवर्णा नामदेव जुनघरे, आई पूजा अमर चिकणे व मामा प्रसाद नामदेव जुनघरे (सर्व रा. सावली) हे जखमी झाले आहेत.
नामदेव पांडुरंग जुनघरे (वय ५८, रा. सावली) व आद्विक अमर चिकणे (वय तीन महिने) अशी मृतांची नावे आहेत. तर, मुलाची आजी सुवर्णा नामदेव जुनघरे, आई पूजा अमर चिकणे व मामा प्रसाद नामदेव जुनघरे (सर्व रा. सावली) हे जखमी झाले आहेत.
हे सर्वजण चारचाकी गाडीने काल दुपारी पाल (ता. कराड) येथे दर्शनाला निघाले होते. हमदाबाज हद्दीतील वळणावर असलेल्या ओढ्याच्या कठड्याला त्यांची गाडी वेगात धडकली. या अपघातात आजोबा व नातू यांचा मृत्यू झाला तर, अन्य चौघे जखमी झाले आहेत. जखमींना नागरिकांनी तातडीने उपचारासाठी रुग्णालयात दाखल केले. अपघाताची माहिती मिळाल्यावर तालुका पोलीस ठाण्याचे अधिकारी व कर्मचारी तातडीने घटनास्थळी पोहोचले होते.
अपघाताची नोंद तालुका पोलीस ठाण्यात झाली आहे. सहाय्यक निरीक्षक अनिता मेणकर व हवालदार विशाल मोरे तपास करत आहेत. रात्री उशीरा मृतदेह शवविच्छेदनानंतर नातेवाईकांच्या ताब्यात देण्यात आले. यावेळी जिल्हा रुग्णालयात गर्दी झाली होती. नातेवाईकांचा आक्रोश हृदय पिळवटून टाकत होता.
…तर विद्यमान खासदारांना सुद्धा उमेदवारी मिळू देणार नाही, रामराजेंचा इशारा, माढा लोकसभेवरुन महायुतीत पेच?