Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
महाराष्ट्राच्या रेल्वेसाठी १५ हजार ५५४ कोटी, मुंबई-दिल्ली प्रवास फास्ट होणार; रुळांचं अद्यावतीकरण
म. टा. प्रतिनिधी, मुंबई : मुंबई महानगरातील रेल्वे प्रकल्पासाठी मुंबई शहरी परिवहन प्रकल्पासाठी यंदाच्या अंतरिम संकल्पात ७९८ कोटींची तरतूद करण्यात आली आहे. राज्यातील रेल्वे प्रकल्पासाठी १५,५५४ कोटींचा निधी देण्यात आला आहे. सर्वसामान्यांचा रेल्वे प्रवास आरामदायी होण्यासाठी वंदे भारत एक्स्प्रेसच्या मानकाप्रमाणे ४०,००० रेल्वेडब्यांची बांधणी करण्यात येणार आहे.
सर्व एमयूटीपी प्रकल्पासाठी केंद्र सरकारच्या प्रमाणे निधीची तरतूद राज्य सरकारकडून केली जाते. यंदा केंद्राकडून ७८९ आणि राज्याकडून ७८९ कोटीं असे एकूण १५९८ कोटींचा निधी उपलब्ध होणार आहे, असे मुंबई रेल्वे विकास महामंडळाकडून (एमआरव्हीसी) स्पष्ट करण्यात आले आहे.
सर्व एमयूटीपी प्रकल्पासाठी केंद्र सरकारच्या प्रमाणे निधीची तरतूद राज्य सरकारकडून केली जाते. यंदा केंद्राकडून ७८९ आणि राज्याकडून ७८९ कोटीं असे एकूण १५९८ कोटींचा निधी उपलब्ध होणार आहे, असे मुंबई रेल्वे विकास महामंडळाकडून (एमआरव्हीसी) स्पष्ट करण्यात आले आहे.
अर्थसंकल्पीय निधीमुळे एमयूटीपीच्या कामांना आणखी चालना मिळेल. स्थानकांच्या स्थानक सुधारणा कामासाठी सर्व कंत्राटे देण्यात आली आहेत. पनवेल-कर्जत नवीन रेल्वे मार्ग आणि विरार डहाणू चौपदरीकरणाचे कामही वेळापत्रकानुसार सुरू आहे. कल्याण बदलापूर चौपदरीकरण प्रकल्प आणि बोरिवली-विरार पाचव्या आणि सहाव्या मार्गिकांचे प्रत्यक्ष काम सुरू झाले आहे, असे एमआरव्हीसीचे अध्यक्ष आणि व्यवस्थापकीय संचालक सुभाषचंद गुप्ता यांनी सांगितले.
२००९-१४च्या १३ पट जास्त निधीची तरतूद २०२४-२५ मध्ये करण्यात आली आहे. यंदा १५,५५४ कोटीमध्ये नव्या रेल्वे मार्गिका, रेल्वे मार्गिकांचा विस्तार, स्थानक सुधारणा यांचा समावेश आहे, असे रेल्वे मंत्रालयाने स्पष्ट केले आहे. राज्य रेल्वेच्या तुलनेत एमयूटीपीला १० टक्के निधींची तरतूद करण्यात आली आहे. गेल्या वर्षीच्या तुलनेत अंतरिम अर्थसंकल्पात कमी निधीची तरतूद आहे.
पश्चिम रेल्वेवरील मुंबई-दिल्ली रेल्वे मार्गाच्या रुळांचे अद्यावतीकरण आणि वेग क्षमता १६०/२०० किमी करण्यासाठी २६६२ कोटींची तरतूद करण्यात आली आहे. प्रवासी सुविधांच्या कामासाठी २१५७ कोटी मंजूर करण्यात आले आहेत. यामुळे सरकते जिने, पादचारी पूल, लिफ्ट या साठी मुबलक निधी उपलब्ध झाला आहे, असे मध्य आणि पश्चिम रेल्वेकडून स्पष्ट करण्यात आले आहे.
२०२४-२०२५ अंतरिम अर्थसंकल्पात एमयूटीपी प्रकल्पांसाठी अर्थसंकल्पीय तरतूद
एमयूटीपी १- प्रकल्प पूर्ण
एमयूटीपी २- १०० कोटी
एमयूटीपी ३ – ३०० कोटी
एमयूटीपी ३ अ – ३८९ कोटी
एकूण – ७८९ कोटी
अर्थसंकल्पीय तरतूद
२०२२-२३ – ५७५ कोटी
२०२३-२४ – ११०० कोटी
२०२४-२५ – ७९८ कोटी
एमयूटीपी २ प्रकल्प
– छत्रपती शिवाजी महाराज टर्मिनस ते कुर्ला पाचवी आणि सहावी मार्गिका
– मुंबई सेंट्रल ते बोरिवली सहावी मार्गिका
एमयूटीपी ३ मधील प्रकल्प
प्रकल्प-एकूण खर्च ( कोटींमध्ये) – कालमर्यादा
कळवा-ऐरोली उन्नत मार्ग (४ किमी) – ४७६ – अनिश्चित
दिघा रेल्वे स्थानक (पहिला टप्पा )- १५० – जानेवारी, २०२३
उन्नत मार्ग ( दुसरा टप्पा ) – अनिश्चित- भू संपादनानंतर ३६ महिने
विरार-डहाणू रोड चौपदरीकरण (६४ किमी)- ३५७८- डिसेंबर, २०२५
पनवेल-कर्जत नवीन उपनगरीय मार्ग (२८ किमी) – २७८२- डिसेंबर, २०२५
स्थानकादरम्यान रूळ ओलांडणी नियंत्रण -५५१- डिसेंबर, २०२४
एमयूटीपी ३ ए मधील प्रकल्प (आकडे कोटीं )
प्रकल्प – सध्याचा खर्च
गोरेगाव-बोरिवली हार्बर विस्तार -७४५.३१
बोरिवली-विरार पाचवी-सहावी मार्गिका -१९६३.१४
कल्याण-आसनगाव चौथी मार्गिका – १६१९.९६
कल्याण-बदलापूर तिसरी-चौथी मार्गिका – १३८७.४०
कल्याण यार्ड (लोकल-मेल/एक्स्प्रेस स्वतंत्र मार्गिका)-७८७.८०
सीबीटीसी (सीएसएमटी-पनवेल) – १२६६
सीबीटीसी (सीएसएमटी-कल्याण) – १९७१
सीबीटीसी (चर्चगेट-विरार) – २१५८
रेल्वे स्थानक सुधारणा – ८७९.३५
१९१ एसी लोकल – १४,६६९
लोकल देखभाल सुविधा– २०५०
झारखंडमध्ये सरकार स्थापनेचा गोंधळ; राज्यपालांकडून शपथविधीसाठी वेळच दिला नाही, सर्व आमदार हैदराबादला रवाना