पहिल्यांदाच स्वस्त झाला OnePlus चा १०८एमपी कॅमेरा असलेला 5G Phone, जाणून घ्या नवीन किंमत

By tejpolicetimes On Feb 16, 2024

OnePlus Nord CE 3 Lite 5G स्मार्टफोन कंपनीनं गेल्यावर्षी परवडणाऱ्या किंमतीत दमदार कॅमेरा व चांगल्या परफॉर्मन्ससह सादर केला होता. या फोनमध्ये १०८एमपी कॅमेरा व्यतिरिक्त क्वॉलकॉम प्रोसेसर आणि ६७वॉट फास्ट चार्जिंगचा सपोर्ट मिळतो. आता जर तुम्ही हा फोन खरेदी करण्याचा विचार करत असाल तर २० हजार रुपयांच्या आतील हा फोन आता पहिल्यांदा १८ हजार रुपयांपेक्षा कमी किंमतीत विकत घेता येईल. विशेष म्हणजे, कंपनीनं या फोनच्या सर्व व्हेरिएंटवर प्राइस कट करण्याची घोषणा केली आहे.

२,००० रुपयांचा प्राइस कट

मीडिया रिपोर्टनुसार OnePlus Nord CE 3 Lite 5G च्या दोन्ही रॅम मॉडेलवर २,००० रुपयांचा प्राइस कट देण्यात आला आहे. हा प्राइस कट सध्या फक्त ऑफलाइन स्टोर्ससाठीच . म्हणजे तुम्हाला कमी किंमतीत फोन खरेदी करण्यासाठी रिटेल स्टोरवर जावे लागेल.

OnePlus Nord CE 3 Lite 5G ची नवीन किंमत

OnePlus Nord CE 3 Lite 5G चा ८ जीबी रॅमसह १२८ जीबी मॉडेल १९,९९९ रुपयांमध्ये लाँच केला होता. पंरतु, आता प्राइस कट नंतर याची किंमत १७,९९९ रुपये झाली आहे. तसेच, ८जीबी रॅम व २५६जीबी व्हेरिएंट २१,९९९ रुपयांमध्ये सादर करण्यात आला होता, जो आता १९,९९९ रुपयांमध्ये विकला जात आहे. हा फोन Chromatic Gray आणि Pastel Lime कलरमध्ये विकत घेता येईल.

OnePlus Nord CE 3 Lite 5G चे स्पेसिफिकेशन्स

OnePlus Nord CE 3 Lite 5G फोन २४०० x १०८० पिक्सल रिजोल्यूशन असलेल्या ६.७२ इंचाच्या फुलएचडी+ डिस्प्लेला सपोर्ट करतो. फोनची स्क्रीन पंच-होल स्टाईलसह येते जी एलसीडी पॅनलवर बनली आहे तसेच १२०हर्ट्झ रिफ्रेश रेट व २४०हर्ट्झ टच सॅम्पलिंग रेटवर चालते. या स्क्रीनवर ६८०निट्स ब्राइटनेस, ३९१पीपीआय पिक्सल डेंसिटी आणि १६.८बिलियन कलरसह आय कंफर्ट व स्क्रीन कलर टेम्परेचर सारखे फीचर्स मिळतात.

वनप्लस नॉर्ड सीई ३ लाइट ५जी फोन अँड्रॉइड १३ आधारित ऑक्सीजन ओएस १३.१ वर सादर करण्यात आला आहे. प्रोसेसिंगसाठी हा मोबाइल ६ नॅनोमीटर फॅब्रिकेशन वर बनलेला क्वॉलकॉम स्नॅपड्रॅगन ६९५ चिपसेटला सपोर्ट करता. हा वनप्लस फोन ८जीबी व्हर्च्युअल रॅमला सपोर्ट करतो जो इंटरनल ८जीबी रॅमसह मिळून हा १६जीबी रॅमची ताकद देतो. ग्राफिक्ससाठी फोनमध्ये एड्रीनो ६१९ जीपीयू देण्यात आला आहे.

फोटोग्राफीसाठी फोनच्या बॅक पॅनलवर एलईडी फ्लॅशसह एफ/१.७५ अपर्चर असलेला १०८ मेगापिक्सल सॅमसंग एचएम६ सेन्सर देण्यात आला आहे जो २ मेगापिक्सल डेप्थ सेन्सर आणि २ मेगापिक्सल मॅक्रो सेन्सरसह मिलकर चालतो. रियर कॅमेऱ्यात ६एक्स झूम, एआय सीन एन्हांसमेंट आणि एचडीआर सारखे फीचर्स मिळतात. तसेच सेल्फी आणि व्हिडीओ कॉलिंगसाठी हा फोन एफ/२.४ अपर्चर असलेला १६ मेगापिक्सलच्या फ्रंट कॅमेरा देण्यात आला आहे.

OnePlus Nord CE 3 Lite 5G मध्ये पावर बॅकअपसाठी मोठी ५,०००एमएएचची बॅटरी देण्यात आली आहे. बॅटरी फास्ट चार्ज करण्यासाठी फोन ६७वॉट सुपरवूक फास्ट चार्जिंग टेक्नॉलॉजीला सपोर्ट करतो. OnePlus Nord CE 3 Lite 5G ड्युअल सिमला सपोर्ट करतो. दोन्ही सिम वर ५जी आणि ४जी वापरता येतं. हा मोबाइल फोन ९ ५जी बँड्स सह येतो. तसेच ३.५एमएम जॅक, वायफाय, ब्यूटूथ ५.१ आणि यूएसबी-सी सारखे ऑप्शन मिळतात.

Source link