गुगल ड्राइव्ह युजर्सना हॅकिंगचा धोका; कंपनीने दिला रेड अलर्ट

तुम्ही गुगल ड्राइव्ह वापरत असाल तर तुम्ही हॅकिंगला बळी पडू शकता, असे सांगण्यात आले आहे. हा अलर्ट विशेषतः Google ड्राइव्ह युजर्ससाठी आहे. अशा युजर्सना गुगलने सावध राहण्यास सांगितले आहे तसेच संशयास्पद फाईलवर लक्ष ठेवण्यास सांगितले आहे.

काय आहे प्रकरण

रिपोर्टनुसार, गुगल ड्राइव्हवर गुगल अकाउंट यूजर्सना एक संशयास्पद फाइल पाठवली जात आहे. अनेक युजर्सनी तक्रार केली आहे की, त्यांना त्यांच्या Google खात्यावर फाइल्स रिसिव्ह करण्याची रिक्वेस्ट मिळाली आहे. Google ने पुष्टी केली आहे की, त्यांना अशा स्पॅम हल्ल्यांबद्दल माहिती आहे. कंपनीचे म्हणणे आहे की जर तुम्हाला कोणतीही संशयास्पद फाइल आढळली तर ती स्पॅम कॅटेगरीमध्ये मार्क करा.

Google ने सल्ला दिला

गुगलने सल्ला दिला आहे की, जर तुम्ही संशयास्पद फाइल स्वीकारण्यास मंजुरी दिली असेल तर त्या लिंकवर क्लिक करू नका. तसेच, अप्रूव्ह झालेले कोणतेही कागदपत्र उघडू नका.

कसे करावे संरक्षण

युजर्स प्राप्त झालेल्या कोणत्याही संशयास्पद फाइलची तक्रार करू शकतात. यासाठी तुम्हाला स्मार्टफोनवर दिलेल्या तीन डॉट्सवर क्लिक करावे लागेल. यानंतर तुम्हाला रिपोर्ट ऑप्शनवर टॅप करावे लागेल. जर कॉम्प्युटरमध्ये फाइल उघडली असेल तर तुम्हाला फाइलवर राईट क्लिक करावे लागेल. यानंतर तुम्हाला ब्लॉक किंवा रिपोर्ट या पर्यायावर टॅप करावे लागेल.

अशा फाइल्सची करा तक्रार

Google ड्राइव्ह युजर्स 2023 मध्ये लाँच तसेच संशयास्पद दिसणाऱ्या फाइल्स स्पॅम फोल्डरमध्ये हलवू शकतात. Gmail प्रमाणे, ड्राइव्हमधील स्पॅम फोल्डर संभाव्य धोकादायक फाईल्स स्टोअर करते . अशा फाइल्स एखाद्या खात्याशी संलग्न किंवा लिंक केल्या जाऊ शकतात. युजर्स फक्त त्या फोल्डरमध्ये फाइल्स ड्रॅग आणि ड्रॉप करू शकतात.

Apple युजर्ससाठीही हाय अलर्ट जारी

भारतीय सायबर सुरक्षा एजन्सी CERT-In ने भारतातील Apple युजर्ससाठी हाय अलर्ट जारी केले आहे, त्यांना त्यांचा ‘सफारी ब्राउझर’ त्वरित अपडेट करण्याचे आवाहन केले आहे. हे हाय अलर्ट CIVN-2024-0091, 17.4 पूर्वीच्या Safari आवृत्त्यांमधील गंभीर भेद्यता हायलाइट करते ज्यामुळे हल्लेखोर संवेदनशील माहिती चोरू शकतात, तुमचे डिव्हाइस इनॅक्टिव्ह करू शकतात किंवा सुरक्षा उपायांना बायपास करू शकतात.