Tej Police Times
मुंबईः भाजपचे माजी खासदार किरीट सोमय्यांनी (kirit somaiya) राष्ट्रवादीचे नेते व ग्रामविकास मंत्री हसन मुश्रीफ (hasan mushrif) यांच्यावर घोटाळ्याचे आरोप केले आहेत. सोमय्यांच्या आरोपांवर मुश्रीफांनीही पत्रकार परिषद घेत जोरदार प्रत्युत्तर दिलं आहे. तसंच, भाजपचे प्रदेशाध्यक्ष चंद्रकांत पाटील (Chandrkant Patil) यांचंही नाव या प्रकरणात घेतलं असून चंद्रकांत पाटलांनी मला भाजपमध्ये येण्याची ऑफर दिली होती, असा खळबळजनक दावाही त्यांनी केला होता. त्यांच्या या वक्तव्यावर राज्याचे विरोधी पक्षनेते देवेंद्र फडणवीस (Devendra Fadanvis) यांनी प्रतिक्रिया दिली आहे.
‘सोमय्यांच्या आरोपांमागे भाजपचं षडयंत्र; चंद्रकांत पाटील मास्टरमाईंड’
हसन मुश्रीफ साहेबांना भाजपमध्ये येण्याची कुणी ऑफर दिली, असा प्रसारमाध्यमांनी सवाल करताना ‘असे ऑफर लेटर घेऊन आम्ही थोडी फिरत असतो, असे आमचे ऑफर लेटर मैदानात पडलेले नाहीत, कुणालीही देण्याकरिता, असा टोला देवेंद्र फडणवीस यांनी लगावला आहे.
‘मुश्रीफांचे घोटाळे जनतेसमोर मांडण्याची फडणवीस- चंद्रकांत पाटलांची सूचना’
तसंच, किरीट सोमय्यांच्या झालेल्या कारवाईबाबत मुख्यमंत्री कार्यलयाला माहिती नसल्याचं समोर येतंय. यावरही फडणवीसांनी भाष्य केलं आहे. या संदर्भात तेच दोन पक्ष सांगू शकतात. मुख्यमंत्र्यांना माहिती नसेल आणि गृहमंत्रालयाने ऑर्डर दिली असेल असं असू शकते. मुख्यमंत्र्यांनी त्यामध्ये दखल घेऊन कशी कारवाई थांबवली पाहिजे होती, ही चुकीची कारवाई चालु आहे, असं फडणवीस म्हणाले आहेत.
वाचाः राष्ट्रवादी विरुद्ध सोमय्या संघर्ष तूर्तास टळला; काय घडलं नेमकं?