CCTV मधल्या अज्ञाताने दुकानाबाहेर ठेवलेल्या चिठ्ठीने खळबळ, असं काही लिहलं की व्यापाऱ्यांमध्ये भीती

परभणी : परभणी जिल्ह्यातील गंगाखेड येथे सराफा व्यापारी महेंद्र टाक यांना एका अज्ञातानी घरात चिठ्ठी टाकून वीस लाख रुपयांची खंडणीची मागणी केल्याची घटना घडली आहे. सगळ्यात धक्कादायक बाब म्हणजे मागणी पूर्ण न केल्यास संपूर्ण कुंटुबास जिवे मारण्याची धमकी देण्यात येत होती. या घटनेमुळे संपूर्ण परिसरात खळबळ उडाली असून पोलीस तपास सुरू असल्याची माहिती आहे.

मिळालेल्या माहितीनुसार, रात्री उशिरा दारातून एका चिठ्ठी टाकून खंडणीची मागणी करण्यात आली. दरम्यान, खंडणीच्या मागणीची चिठ्ठी टाकणारा सीसीटीव्हीमध्ये कैद झाला आहे. अज्ञात खंडणीखोराने ३ सप्टेंबर २० लाखाची खंडणी मागितली होती. चिठ्ठीत खंडणीखोराने दोन हजारांच्या नोटांची मागणी केली होती. तर वेगवेगळ्या नंबरच्या नोटा ही मागितल्या होत्या.

दरम्यान, सराफा व्यापारी महेंद्र टाक यांच्या फिर्यादीवरून १८ सप्टेंबरला अज्ञाताविरोधात गंगाखेड पोलिसात गुन्हा दाखल करण्यात आला आहे. मात्र, या घटनेचे सीसीटीव्ही फुटेज असून अद्याप पोलिसांना घटनेचा सुगावा लावता आला नाही. त्यामुळे व्यापाऱ्यांमध्ये भीतीचे वातावरण निर्माण झाले आहे.
पुणे : अघोरी प्रयोग करत सासऱ्याने सुनेला पाजलं कोंबडीचं रक्त, त्यानंतर जे केलं ते भयंकर