Tej Police Times
भारतातील स्पेस मोहिमेत आणखी एका यशाची भर पडली आहे. स्पेस स्टार्टअप स्कायरूटने विक्रम-१ रॉकेटचा स्टेज-२ चाचणी केली आहे. भारताचे मिसाईल मॅन अब्दुल कलाम यांचे स्मरण करत क्रम-१ च्या स्टेज-२ ला कलाम-२५० असे नाव देण्यात आले आहे. कलाम २५० ही हाय स्टेंग्थ कार्बन कंपोझिट मोटर आहे. यामुळे रॉकेटला स्पेसमध्ये झेपावण्यासाठी मदत मिळणार आहे. आंध्रप्रदेश येथील श्रीहरीकोटा कलाम २५०ची ८५ सेकंदसाठी चाचणी घेण्यात आली. यात १८६ किलोन्युटन सी लेव्हल थ्रस्ट मोजण्यात आला तसेच, हवेत गेल्यास तो २३५ किलोन्यूटनपर्यंत वाढणार आहे. कंपनीने या मानकापर्यंत यशस्वीपणे चाचणी केली आहे.
सीईओंनी व्यक्त केला आनंद
भारताच्या स्पेस यंत्रणांमधील विकासात ही चाचणी महत्त्वाची ठरणार आहे. कारण एका खाजगी कंपनीद्वारे तयार करण्यात आलेली ही सर्वात मोठी प्रोपल्शन प्रणाली आहे. तसेच, इस्त्रोने चाचणी केलेली ही पहिली कार्बन कंपोझिट मोटार आहे. कंपनीच्या यशानंतर हैदराबादस्थित स्कायरूट एरोस्पेसचे सह-संस्थापक आणि सीईओ पवन चंदना यांनी आनंद व्यक्त केला आहे. तसेच, त्यांनी बोलतांना या चाचणीचे महत्त्व देखील पटवून दिले आहे.
सीईओ पवन चंदना यांनी सांगितल्यानुसार, स्कायरूट कंपनीचे हे यश विक्रम १ या रॉकेटच्या यशस्वी प्रक्षेपणाच्या दिशेने टाकले जाणारे पाऊल आहे. कलम २५० ही हाय स्ट्रेंथ कार्बन कंपोझिट मोटार आहे. यामुळे सॉलिड फ्युअलच्या मदतीने इथिलीन-प्रॉपिलीन-डायनेटरपॉलिमर (EPDM) थर्मल प्रोटेक्शन सिस्टमचा (TPS) वापर करते. स्टेज-२ मध्ये अचूक इलेक्ट्रो-मेकॅनिकल ॲक्ट्युएटरसह कार्बन फ्लेक्स नोजल आहे. हे वाहनाच्या थ्रस्ट वेक्टरवर नियंत्रण ठेवतात. त्याच्या मदतीने रॉकेट निश्चित मार्गाकडे पोहोचण्यास मदत होते.
विक्रम १ या रॉकेटची वैशिष्ट्ये
भारताच्या स्पेस प्रोगामचे जनक विक्रम साराभाई यांच्या नावावरून हे नाव देण्यात आले आहे. यात एकापेक्षा अधिक व ३०० किलो इतका पेलोड वाहून नेण्याची क्षमता आहे. हे रॉकेट २४ तासांच्या आत असेंबल केले जाऊ शकते. सॉलिड फ्युअलमुळे या रॉकेटच्या मदतीने होणारी वाहतूक सोपी होणार आहे.