ब्लूटूथचा वापर करताय..सावधान! या १० गोष्टींमुळे तुमच्या डिव्हाइसची सिक्युरिटी येऊ शकते धोक्यात

ब्लूटूथ तंत्रज्ञानामुळे हल्ली लॅपटॉपपासून ते स्मार्टवॉचपर्यंत सर्व डिव्हाइस एकत्र लिंक करणे अतिशय सोपे झाले आहे. मात्र ब्लूटूथमुळे होणारे संभाव्य धोके प्रत्येकाने समजून घेणे महत्त्वाचे आहे. तुमचा व्यक्तिगत डेटा व गोपनीय माहिती सुरक्षित ठेवण्यासाठी हे धोके समजून घेतल्यास अनेक अडचणींना सामोरे जावे लागणार नाही. ब्लूटूथच्या अतिवापरामुळे निर्माण होणाऱ्या १० सिक्युरिटी रिक्स जाणून घ्या

ब्लूजॅकिंग

मोबाईल फोन्स व तंत्रद्यानाच्या वाढत्या बापरामुळे सायबर हल्यांचे प्रमाण देखील वाढले आहे. ब्लूजॅकिंग हा सायबर हल्ल्याचा एक प्रकार आहे ज्यात अनोळखी व्यक्ती ब्लूटूथ कनेक्टिव्हिटी डिव्हाइसेसना अनपेक्षित मॅसेजेस किंवा फाइल्स शेअर करतात. यामुळे प्रायव्हसीचे उल्लंघन होऊन सेन्सेटिव्ह माहिती इतरांपर्यंत पोहोचते

ब्लूस्नार्फिंग

ब्लूटूथ डिव्हाइसमधील डेटाची अनधिकृतरित्या ब्लूस्नार्फिंगच्या माध्यमातून चोरी करण्यात येते. काँटॅक्ट , मेसेजेस आणि मल्टीमीडिया फाइल्सचा समावेश असतो. युजर्सला याबद्दल कोणतीही माहिती नसते. यात युजर्सची संपूर्ण माहिती मिळवली जाते.

ब्लूबगिंग

ब्लूबगिंग हा सायबर हल्ल्याचा एक आधुनिक प्रकार आहे. ज्यात ब्लूटूथ डिव्हाइसेसवर हॅकर्स नियंत्रण मिळवतात. युजर्सच्या परवागीशिवाय यात प्रवेश करुन कॉल व मेसेजेसबद्दल माहिती मिळवण्याची अनुमती मिळते

डिनायल ऑफ सर्विस (DOS)

ब्लूटूथ डिव्हाईसेवर डेनियलऑफ सर्विस हा हल्ला करणे शक्य असते. यात अनधिकृत कनेक्शन रिक्वेस्ट पाठवल्या जातात आणि याद्वारे मालवेअर डिव्हाइसेसमध्ये रेंडर करण्यात येते. यामुळे डिव्हाईस वापरण्यास अनेक अडथळे निर्माण होतात व सिस्टिम क्रॅश होऊ शकते.

इव्हजड्रॉपिंग

ब्लूटूथ सिग्नल्स हे मर्यादित स्वरुपाचे असतात. मात्र काही विशेष आधुनिक उकरणांचा वापरकरून हल्लेखोरांना त्यावरील डेटा मिळवणे किंवा ऐकणे सहज शक्य होते. यामुळे ब्लूटूथद्वारे प्रसारित होणारा डेटा ही सेन्सेटिव्ह बाब आहे.

मॅन-इन-द-मिडल (MITM)

एमआयटीएम या हल्ल्यांमध्ये हल्लेखोर ब्लूटूथ उपकरणांमधील कम्युनिकेशन रोखतात व डेटाची देवाणघेवाण करतात. यात माहितीची वेळ किंवा प्रायव्हसिशी छेडछाड होऊ शकते.

ब्लूबोर्न व्हल्नरेबलिटीज

ब्लूबोर्न ही सिक्युरिटी व्हल्नरेबलिटी आहे. यामुळे कोट्यवधी ब्लुटुथ डिव्हाईस प्रभावित होऊ शकतात. डिव्हाइसेसचा पासवर्ड बदलून त्यावरील डेटा कुठल्याही परवानगीशिवाय सहज हाताळने शक्य असते. कुठलेही हानिकारक व्हायरस किंवा मालवेअर डेटा याद्वारे डिव्हाईस मध्ये लोड करण्यात येतो.

विक एनक्रिप्शन

काही ब्लूटूथ डिव्हाइसमध्ये वीक एन्क्रिप्शन किंवा डीफॉल्ट पिन पद्धतीचा वापर करण्यात येतो, ज्यामुळे ते ब्रूट-फोर्स हल्ल्यांना प्रोत्साहन देतात. हॅकर्स सुरक्षा उपायांना बायपास करण्यासाठी आणि डिव्हाइसेस आणि डेटामध्ये अनधिकृत प्रवेश मिळवण्यासाठी या विकनेस फायदा घेऊ शकतात.

ब्लूटूथ लो एनर्जी

IoT डिव्हाइसेस आणि वेअरेबलमध्ये वापरले जाणारे BLE यामुळे सिक्युरिटी विषयक अनेक आव्हाने निर्माण होतात. BLEद्वारे उद्भवणारी सर्वात मोठी समस्या म्हणजे डेटा मॅन्यूपलेशन ही आहे.

अन्पॅच्ड व्हल्नरेबलिटीज

ब्लूटूथच्या वापरामुळे अनेक सिक्युटीटी विषयक समस्या निर्माण होतात. डिव्हाईससाठी जारी करण्यात आलेले अपडेट पूर्ण न झाल्यास ही अडचण येते. यात युजर्स सायबर हल्ले तसेच इतर शोषणाचे बळी ठरतात.