शास्त्रज्ञांनी तयार केला जगातील सर्वात मोठा ब्रह्मांडाचा नकाशा, ६ दशलक्ष आकाश गंगांना मिळाले स्थान

भारतीय शास्त्रज्ञांनी विदेशी खगोलशास्त्रज्ञांच्या मदतीने जगातील सर्वात मोठ्या नकाशाचे अनवरण केले आहे. यात टाटा इन्स्टिट्यूट ऑफ फंडामेंटल रिसर्च (TIFR) च्या शास्त्रज्ञांचा समावेश होता. मीडिया रिपोर्ट्सनुसार, ३D नकाशा विश्वाच्या ११ अब्ज वर्षांच्या इतिहासाची माहिती देईल. नकाशा तयार करण्यासाठी वापरल्या जाणाऱ्या उपकरणाचे नाव आहे डार्क एनर्जी स्पेक्ट्रोस्कोपिक इन्स्ट्रुमेंट (DESI). DESI ने शास्त्रज्ञांना ६ दशलक्षाहून अधिक आकाशगंगां मोजण्यात महत्त्वाची मदत केली. या उपकरणात 5 हजार रोबोटिक लेन्सेसचा वापर करण्यात आला आहे.

रिपोर्ट्सनुसार या नकाशाचा मदतीने आकाशगंगांनी व्यापलेले ब्रह्मांड बघण्यास मदत होणार आहे. यात कॉस्मिक वेब देखील दाखवण्यात आले आहे. यामध्येफिलामेंटरी स्ट्रक्चर्स असतात व कॉस्मिक वेबमुळे आपल्याला ब्रह्मांडातील गुंतागुंतीच्या मालिकांची माहिती मिळते. TIFR चे डॉ. शादाब आलम यांच्या टीमने खगोलशास्त्रज्ञांच्या आंतरराष्ट्रीय टीमच्या सहकार्याने नकाशावर काम केले.त्यानंतर ६ दशलक्षाहून अधिक आकाशगंगा मोजता आल्या. टीमला आशा आहे की एक दिवस नकाशामध्ये ४० दशलक्ष आकाशगंगांचा डेटा असेल

जगभरातील ७० हून अधिक संस्थांमधील शास्त्रज्ञ या कामात सहभागी झाले आहेत. DESI हे उपकरण अमेरिकेतील वेधशाळेत बसवण्यात आले आहे. लक्षात ठेवा की आतापर्यंतच्या विश्वाच्या सर्वात मोठ्या ३D नकाशामध्ये सुमारे ३ दशलक्ष आकाशगंगा दाखवल्या गेल्या होत्या. हा नकाशा २००० ते २०१५ या काळात तयार करण्यात आला होता.