एकच नंबर! सॅमसंगनं आणला ५० एमपी सेल्फी कॅमेरा असलेला फोन; परवडणाऱ्या किंमतीत १२ जीबी रॅमची ताकद

सॅमसंग गॅलेक्सी ‘एम’ सीरीजचे नवीन मोबाइल फोन आज भारतात लाँच झाले आहेत. कंपनीनं Samsung Galaxy M15 5G आणि Samsung Galaxy M55 5G फोन भारतीय बाजारात आणले आहेत जे स्टाइलिश लुक आणि शानदार स्पेसिफिकेशन्ससह आले आहेत. गॅलेक्सी एम५५ ५जी ची संपूर्ण माहिती पुढे देण्यात आली आहे.

Samsung Galaxy M55 5G Price

सॅमसंग गॅलेक्सी एम५५ ५जी फोन भारतीय बाजारात तीन व्हेरिएंट्समध्ये लाँच झाला आहे. फोनचे दोन मॉडेल ८जीबी रॅमला सपोर्ट करतात, ज्यात १२८जीबी आणि २५६जीबी स्टोरेज देण्यात आली आहे. यांची किंमत अनुक्रमे २६,९९९ रुपये आणि २९,९९९ रुपये आहे. तसेच Galaxy M55 5G फोनचा सर्वात मोठा व्हेरिएंट १२जीबी रॅमसह २५६जीबी स्टोरेजला सपोर्ट करतो ज्याची किंमत ३२,९९९ रुपये आहे. हा फोन Light Green आणि Denim Black कलरमध्ये विकत घेता येईल. लाँच ऑफर अंतर्गत २,००० रुपयांचा बँक डिस्काउंट मिळेल.

Samsung Galaxy M55 5G Specifications

सॅमसंग गॅलेक्सी एम५५ ५जी फोन १०८० x २४०० पिक्सल रेजोल्यूशन असलेल्या ६.७ इंचाच्या फुलएचडी+ डिस्प्लेला सपोर्ट करतो. पंच-होल स्टाइल असलेली ही स्क्रीन सुपर अ‍ॅमोलेड+ पॅनलवर बनली आहे जी १२०हर्ट्झ रिफ्रेश रेटवर चालते. हा फोन डिस्प्ले १०००निट्स ब्राइटनेस आणि १६मिलियन कलरला सपोर्ट करतो. सॅमसंग गॅलेक्सी एम५५ स्मार्टफोन क्वॉलकॉमचा ४नॅनोमीटर फॅब्रिकेशनवर बनलेला स्नॅपड्रॅगन ७ जेन १ चिपसेटला सपोर्ट करतो. हा ऑक्टा-कोर प्रोसेसर २.४गीगाहर्ट्झ पर्यंतच्या क्लॉक स्पीडवर चालतो. हा गॅलेक्सी अँड्रॉइड १४ आधारित वनयुआयवर चालेल.

गॅलेक्सी एम५५ ५जी स्मार्टफोनमध्ये ५० मेगापिक्सलचा फ्रंट कॅमेरा देण्यात आला आहे जो सेल्फी व व्हिडीओ कॉलिंगच्या कामी येईल. हा कॅमेरा सेन्सर एफ/२.४ अपर्चरवर चालतो. फोनमध्ये ड्युअल रेकॉर्डिंग फीचरच्या माध्यमातून फ्रंट आणि बॅक दोन्ही लेन्सचा वापर एकाच वेळी करता येईल. फोटोग्राफीसाठी Samsung M55 5G फोन ट्रिपल रियर कॅमेऱ्याला सपोर्ट करतो. याच्या बॅक पॅनलवर ओआयएस टेक्नॉलॉजीसह ५० मेगापिक्सलची मुख्य वाइड अँगल लेन्स देण्यात आली आहे. त्याचबरोबर ८ मेगापिक्सलची अल्ट्रा वाइड अँगल लेन्स आणि २ मेगापिक्सलचा मॅक्रो सेन्सर मिळतो.

सॅमसंग गॅलेक्सी एम५५ ५जी फोनमध्ये पावर बॅकअपसाठी ५,०००एमएएचची बॅटरी देण्यात आली आहे. तसेच ही मोठी बॅटरी वेगानं चार्ज करण्यासाठी नवीन सॅमसंग स्मार्टफोन ४५वॉट फास्ट चार्जिंग टेक्नॉलॉजी देण्यात आली आहे. ही सुपर फास्ट चार्जिंग २.० टेक्नॉलॉजी आहे जी फास्ट चार्जसह बॅटरी हेल्थ देखील कायम ठेवते. Samsung Galaxy M55 5G मध्ये १३ 5G Bands चा सपोर्ट देण्यात आला आहे. तसेच कनेक्टिव्हिटीसाठी NFC, USB Type-C 2.0, Bluetooth 5.2, 5GHz Wi-Fiआणि Type-C Earphone jack मिळतो. तसेच स्टिरिओ स्पीकर आणि इन डिस्प्ले फिंगरप्रिंट स्कॅनर मिळतो. हा फोन ४ वर्षांच्या ओएस अपडेट आणि ५ वर्षांच्या सिक्योरिटी अपडेटसह आला आहे.