भारतीयांना हवा खंबीर नेता; जागतिक पाहणीतील निष्कर्ष, ‘ह्या’ तीन लोकशाही देशांचा समावेश

वृत्तसंस्था, लंडन : भारतातील बहुतांश लोकांना खंबीर नेता हवा आहे आणि सध्याच्या केंद्र सरकारविषयी ते समाधानी आहेत, असे एका पाहणीत दिसून आले आहे. जगातील १९ देशांमध्ये ही पाहणी करण्यात आली. त्यात तीन सर्वांत मोठ्या लोकशाही देशांचाही समावेश आहे.

कोणी केली पाहणी?

– दी इंटरनॅशनल इन्स्टिट्यूट फॉर डेमोक्रसी अँड इलेक्टोरल असिस्टन्स (इंटरनॅशनल आयडिया) या संस्थेकडून पाहणी

– पाहणीतील निष्कर्ष ‘पर्सेप्शन्स ऑफ डेमोक्रसी : अ सर्व्हे अबाउट हाउ पीपल अॅसेस डेमोक्रसी अराउंड द वर्ल्ड’ या नावाने प्रकाशित

– ‘इंटरनॅशनल आयडिया’ची स्थापना १९९५मध्ये

– जगभरात लोकशाही कायम ठेवण्यासाठी साह्य करणे हा संस्थेचा हेतू

निवडणूक यंत्रणा सज्ज; सर्व सरकारी वाहने ‘जीपीएस’ने सज्ज, जीपीएसचे नेमके काम काय?

कधी आणि कशी झाली पाहणी?

– भारतात या जानेवारीत आणि इतर देशांत गेल्या वर्षी

– यूगव्ह आणि जिओपोल या पाहणी संस्थांचे साह्य

– प्रत्येक देशातील किमान १००० जणांचा पाहणीत सहभाग

– गरीब देशांत १५०० जणांची पाहणी

कुठे झाली पाहणी?

– जगातील १९ देशांमध्ये संस्थेकडून पाहणी

– त्यात भारतासह अमेरिका, डेन्मार्क, इटली, ब्राझील, पाकिस्तान, इराक, तैवान, चिली, कोलंबिया, गाम्बिया, लेबनॉन, लिथुआनिया, रुमानिया, सेनेगल, सिएरा लिओन, सॉलोमन बेटे, दक्षिण कोरिया आणि टांझानिया या देशांचा समावेश

पाहणीतील ठळक निष्कर्ष

– पाहणी केलेल्या देशांमध्ये विद्यमान सरकारांविषयी नाराजी असलेल्या देशांची संख्या अधिक

– १९ पैकी १७ देशांमध्ये लोक सरकारच्या कामगिरीविषयी असमाधानी

– भारत आणि टांझानियामध्ये विद्यमान सरकारांविषयी समाधान

– या दोन्ही देशांत सरकार या संस्थेवर विश्वासही अधिक

कोणत्या वर्गात अधिक नाराजी?

– अल्पसंख्याक, अल्प उत्पन्न गटातील नागरिक या वर्गात नाराजी अधिक

– मात्र, हेच वर्ग लोकशाहीत अधिक सक्रिय

– अमेरिका, डेन्मार्क, इटली आणि तैवान या देशांत नाराज आणि समाधानी गट यातील तफावत अधिक

भारतात ५९ टक्के लोक समाधानी

– भारतात सरकारच्या कामगिरीवर ५९ टक्के लोक समाधानी

– टांझानियात हेच प्रमाण ७९ टक्के

– भारतातील निवडणूकपूर्व कलचाचण्यांमध्ये पंतप्रधान नरेंद्र मोदी यांना ६६ टक्क्यांहून अधिक पसंती असल्याच्या निष्कर्षांशी सुसंगत चित्र

पाहणीतील ठळक निष्कर्ष

– पाहणी झालेल्या १९ पैकी आठ देशांतील लोकांना हवा खंबीर नेता

– मात्र, हुकूमशाहीच्या बाजूने एकाही देशातील नागरिकांचा कौल नाही

– लोकप्रतिनिधींची संख्या अधिक असणाऱ्या देशांमध्ये खंबीर नेता असण्यास कमी पाठिंबा

– भारत आणि टांझानिया हे वरील निष्कर्षाला अपवाद