Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Kolhapur Municipal Corporation Elections: ठाकरे सरकारच्या ‘या’ निर्णयाने कोल्हापुरातील गणितं बदलली!
हायलाइट्स:
- महापालिका निवडणुकीसाठी तीन सदस्यीय प्रभाग रचना.
- राज्य सरकारच्या निर्णयाने कोल्हापुरात मोठे फेरबदल.
- वर्षभर विविध मार्गाने प्रचार करणाऱ्या इच्छुकांना दणका.
वाचा: मुंबई वगळता सर्व महापालिकांसाठी त्रिसदस्यीय प्रभाग पद्धत; मंत्रिमंडळाचा निर्णय
कोल्हापूर महापालिका निवडणूक घेण्याच्या दृष्टीने एक सदस्यीय प्रभाग रचना करण्यात आली होती. त्याचे आरक्षणही जाहीर झाले होते. पण करोना संसर्गाच्या पार्श्वभूमीवर ही निवडणूक पुढे ढकलण्यात आली. आता संपूर्ण राज्यातील मुंबई वगळता सर्व महापालिकांमध्ये तीन सदस्यीय प्रभाग रचना करण्याचा निर्णय मंत्रिमंडळाच्या बैठकीत घेण्यात आला. यामुळे कोल्हापूर महापालिकेत यापूर्वी तयार केलेली एक सदस्य प्रभाग रचना रद्द होणार आहे. तीन सदस्यीय प्रभाग रचनेसाठी सर्व प्रभागांची पुन्हा नव्याने रचना करण्यात येणार आहे. यामुळे निवडणूका आणखी पुढे जाणार हे स्पष्ट झाले आहे.
वाचा: ओबीसी आरक्षणावर मोठं पाऊल; मंत्रिमंडळाने घेतले ‘हे’ महत्त्वाचे निर्णय
प्रभाग रचना आणि आरक्षण जाहीर झाल्यामुळे इच्छूकांनी गेले वर्षभर मतदारांना खूष करण्यासाठी बराच खर्च केला. आता मात्र प्रभाग रचना बदलणार असल्यामुळे त्यांना मोठा दणका बसणार आहे. यापुढे नव्याने प्रभाग रचना झाल्यानंतर पुन्हा नव्याने खर्च करावा लागणार आहे.
वाचा: CM ठाकरे-अमित शहा यांची दिल्लीत होणार भेट!; तर्कवितर्कांना उधाण