Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
अनेक महिन्यांपासून बलुचिस्तानमध्ये अशांतता असून पाकिस्तानी नागरिक तसेच, सैनिकांवर दहशतवादी हल्ले होण्याच्या घटना वारंवार घडत आहेत. शनिवारी झालेल्या या हल्ल्यात दहशतवाद्यांनी एका प्रवासी बसला लक्ष्य केले. राष्ट्रीय महामार्गावरून क्वेट्टा येथून ताफ्तान येथे जाणाऱ्या बसला दहशतवाद्यांनी रोखले व त्यातील प्रवाशांना बाहेर काढले व त्यांचे अपहरण केले. यानंतर यातील नऊ पुरुषांचे मृतदेह तेथून जवळ असणाऱ्या डोंगराळ प्रदेशात एका पुलाजवळ आढळले. त्यांच्या शरीरावर गोळ्या झाडल्याच्या खुणा होत्या, असे अधिकाऱ्यांनी सांगितले. हे मृत प्रवासी पंजाब प्रांतातील वझिराबाद, मंडी बहाउद्दिन आणि गुजरनवाला येथील आहेत.
अन्य एका दहशतवादी हल्ल्यात याच महामार्गावर एका कारवर गोळीबार करण्यात आला. यात कारमधील दोघांचा मृत्यू झाला. तर, दोघे जखमी झाले. पाकिस्तानचे पंतप्रधान शाहबाज शरिफ यांनी या हल्ल्यांचा निषेध केला व मृतांच्या कुटुंबीयांप्रति सहवेदना व्यक्त केली. या दोन्ही घटनांतील हल्लेखोर दहशतवाद्यांना व त्यांच्या सूत्रधारांना माफ केले जाणार नाही, असे ते म्हणाले.
दोन सैनिक, एक दहशतवादी ठार
पेशावर : एका वॉण्टेड दहशतवाद्याचा खात्मा करण्यात पाकिस्तानी सैनिकांना शनिवारी यश आले. मात्र या चकमकीत दोन सैनिकांचाही मृत्यू झाला. खैबर पख्तुनख्वा प्रांतातील ही चकमक झाली. सलीम ऊर्फ रब्बानी नावाच्या दहशतवाद्यावर ५० लाख रुपयांचे इनाम जाहीर करण्यात आले होते. रब्बानी या परिसरात येणार असल्याची गोपनीय माहिती मिळाल्यानंतर पाकिस्तानी लष्कराने ही कारवाई केली. या चकमकीत रब्बानी ठार झाला व त्याचे दोन साथीादार जखमी झाले.
भूसुरूंगस्फोटात तीन मुले मृत्युमुखी
पेशावर : खैबर पख्तुनख्वा प्रांतात शुक्रवारी झालेल्या भूसुरूंग स्फोटात शुक्रवारी किमान तीन मुलांचा मृत्यू झाला. दोन स्थानिक संघांमधील व्हॉलिबॉल सामना पाहण्यासाठी काही मुले जात असताना वझिरीस्तान जिल्ह्यातील वान्ना या आदिवासी क्षेत्रात ही दुर्घटना घडली. यातील एका मुलाचा सुरुंगावर पाय पडल्याने जोरदार स्फोट झाला. हा सुरूंग कोणी व का पेरला होता, हे अद्याप स्पष्ट झालेले नाही.