Fact Check: DMK कार्यकर्त्यांनी भाजपच्या नेत्याला मारहाण केली? काय आहे व्हायरल व्हिडिओचं सत्य?

नवी दिल्ली : तामिळनाडूमध्ये लोकसभा निवडणुकीच्या सुरुवातीच्या टप्प्याची तयारी सुरू आहे. यादरम्यान सोशल मीडियावर एक व्हिडिओ व्हायरल होत आहे. या व्हायरल व्हिडिओमध्ये असा दावा केला जात आहे, की भाजपच्या आयटी आणि जिल्हा सचिव राजेश बिजू यांच्यावर काही DMK (द्रविड मुनेत्र कळघम) कार्यकर्त्यांनी हल्ला करत आहेत.

एका एक्स युजरने व्हायरल व्हिडिओ शेअर करत लिहिलंय की, ‘भाजप आयटी आणि सोशल मीडिया सेलचे जिल्हा सचिव श्री यांच्यांवर भीषण हल्ला’. आज संध्याकाळी भाजप कार्यकर्त्याच्या घरासमोर राजेश बिजू…राजेश यांच्यावर चेन्नई पूर्व येथील नांगनाल्लूर येथील श्री चक्र हॉस्पिटलमध्ये उपचार सुरू आहेत.’ याची आर्काइव लिंक इथे पाहता येईल.

इंडिया टुडेच्या फॅक्ट चेक टीमला आढळून आलं, की हा व्हिडिओ जुना असून भाजपच्या राजेश बिजू यांच्यावर वैयक्तिक वादातून पक्षाच्या सदस्यांनी हल्ला केला होता.
Fact Check: अरुण गोविल यांनी दलित कार्यकर्त्याच्या घरी जेवण केलं नाही? काय आहे सत्य

पडताळणीत काय समोर आलं?

इंडिया टुडेच्या फॅक्ट चेक टीमला एक किवर्ड वापरुन १ ऑगस्ट २०२३ चा ETV भारत तमिळचा रिपोर्ट आढळला. ईटीव्ही भारत तमिळने दिलेल्या वृत्तात या घटनेचा उल्लेख करण्यात आला आहे. रिपोर्टनुसार, या प्रकरणात चेन्नई पूर्व जिल्हा भाजपचे सरचिटणीस एस सुब्बय्या सामिल होते. रिपोर्टमध्ये असंही सांगण्यात आलंय, की त्याच्या रेस्टॉरंटमध्ये मद्यपान करतानाचा त्यांचा एक फोटो व्हायरल झाला होता.

यानंतर सुब्बय्या यांना राजेश बिजू यांनी हा फोटो लीक केल्याचा संशय आला आणि त्यांनी त्यांच्याशी वाद घालण्यास सुरुवात केली. वाद हाणामारीवर पोहोचला. त्यानंतर राजेश यांनी पलवंतंगल पोलीस ठाण्यात तक्रार दाखल केली. त्याचवेळच्या वृत्तानुसार हल्लेखोरांची ओळख सुब्बय्या, त्याचा पुतण्या मुथरासन आणि पक्षाचे प्रादेशिक अध्यक्ष जवाहर आर्मस्ट्राँग अशी झाली होती.

राजेश यांच्या तक्रारीनंतर तामिळनाडू पोलिसांनी या तिघांना अटक केली, त्यांना अलंदूर न्यायालयात हजर करण्यात आलं आणि जेलमध्ये पाठवण्यात आलं आहे. याशिवाय तामिळनाडू पोलिसांनीही एका व्हायरल ट्विटला उत्तर देताना स्पष्टीकरण दिलं होतं. त्यांनी सांगितलं, की हा व्हिडिओ ३१ जुलै २०२३ चा आहे आणि त्यात दिसलेली हाणामारी पक्षातील दोन गटांमधील वादामुळे झाली होती.

Fact Check : AAP नेत्या आतिशी यांनी ‘जय श्री राम’ घोषणा दिल्यानंतर माफी मागितली? व्हायरल व्हिडिओचा दावा खोटा

निष्कर्ष

व्हायरल व्हिडिओमध्ये करण्यात आलेला दावा खोटा आहे. लोकसभा निवडणुकीच्या धामधुमीत भाजप सदस्यांमधील हाणामारीचा एक वर्ष जुना व्हिडिओ खोट्या दाव्यासह व्हायरल केला जात असल्याचं स्पष्ट झालं आहे.

(This story was originally published by India Today, and republished by MT as part of the Shakti Collective.)