Fact Check: भाजपच्या रॅलीत महिला कार्यकर्त्याचा विनयभंग? जाणून घ्या व्हायरल व्हिडिओमागचं सत्य

नवी दिल्ली : लोकसभा निवडणुकीदरम्यान सोशल मीडियावर एक व्हिडिओ व्हायरल होत आहे. ज्यात महिलेचा विनयभंग करण्यात आला आहे. व्हिडिओ शेअर करत असा दावा केला जात आहे की, भाजपचा नेता रॅलीदरम्यान एका महिला कार्यकर्त्याचा विनयभंग करत आहे. मात्र, सोशल मीडियावर केलेला हा दावा खोटा असल्याचं समोर आलं आहे. हा व्हिडिओ भाजपच्या रॅलीतील नाही, त्याशिवाय तो भारतातीलही नसल्याचं आढळलं आहे.

व्हिडिओमध्ये काय केलाय दावा?

सोशल मीडिया एक्सवर हा व्हिडिओ शेअर करत एका युजरने दावा करत लिहियंल, की जय श्री रामच्या घोषणा द्या आणि हात कुठेही लावा. एका दुसऱ्या युजरने तमिळ भाषेत भाजप नेत्याने महिला कार्यकर्त्याचे शारीरिक शोषण केल्याचा दावा केला आहे. या पोस्टला आतापर्यंत ८८,००० हून अधिक व्ह्यूज मिळाले आहेत. पोस्ट इथे पाहा.

Fact Check: अभिनेता रणवीर सिंहने पंतप्रधान मोदींवर टीका केली? जाणून घ्या व्हायरल व्हिडिओचं सत्य

पडताळणीत काय समोर आलं?

Logically Facts ने या व्हायरल व्हिडिओची तपासणी केली, त्यावेळी हा व्हिडिओ भारतातील नसून पाकिस्तानातील असल्याचं समोर आलं. त्याशिवाय ही घटना आताची नाही, तर २००७ ची आहे. लॉजिकली फॅक्टसने ज्यावेळी या व्हिडिओतील फोटो रिव्हर्स इमेजच्या मदतीने गुगलवर सर्च केले, त्यावेळी हा व्हिडिओ अनेक यूट्यूब चॅनेलवर अपलोड झाल्याचं दिसलं. लॉजिकली फॅक्टसच्या टीमला २००७ मध्ये हा व्हिडिओ वेगवेगळ्या महिन्यात अपलोड झाल्याचं दिसलं. सर्वात जुना व्हिडिओ १६ मे २००७ रोजी अपलोड करण्यात आला होता. व्हिडिओला शेरी रहमान, यूसुफ रज़ा गिलानी, पीपीपी रॅली असं टायटल देण्यात आलं होतं. व्हिडिओमध्ये लोकांच्या हातात उर्दूमध्ये लिहिलेले बॅनर दिसत आहेत. व्हायरल व्हिडिओमध्ये दिसणाऱ्या व्यक्तीची ओळख यूसुफ रजा गिलानी आणि महिलेची ओळख शेरी रहमान अशी झाली आहे.

असली व्हिडिओमध्ये ऐकू येत नव्हत्या जय श्री रामच्या घोषणा

व्हायरल व्हिडिओच्या ऐवजी २००७ मध्ये खऱ्या व्हिडिओमध्ये कुठेही जय श्री राम का नाराच्या घोषणा ऐकू येत नाहीत. अशात व्हायरल व्हिडिओमध्ये जय श्री रामच्या घोषणा जोडण्यात आल्या आहेत. ही घटना २००७ मध्ये पाकिस्तान पीपल्स पार्टीच्या (पीपीपी) रॅलीच्या दरम्यान घडली होती. ज्यावेळी लॉजिकली फॅक्ट्सने आपला तपास पुढे नेला, त्यावेळी दैनिक भास्करचा एक रिपोर्ट आढळला, ज्यात या घटनेचा उल्लेख करण्यात आला होता. रिपोर्टमध्ये असं सांगण्यात आलं, की रॅलीच्या वेळी गिलानीने गर्दीचा फायदा घेत शेरी यांच्या शरीरावर हात लावण्याचा प्रयत्न केला होता. द गार्डियनच्या ५ सप्टेंबर २००८ रोजी प्रकाशित एका रिपोर्टमध्येही या घटनेचा संदर्भ देण्यात आला आहे. ज्यामध्ये गेल्या वर्षी एका राजकीय सभेत मंत्री शेरी रहमान यांना कथितपणे स्पर्श केल्याबद्दल पंतप्रधान युसूफ रझा गिलानी यांच्यावर जोरदार टीका करण्यात आली होती.
Fact Check: DMK कार्यकर्त्यांनी भाजपच्या नेत्याला मारहाण केली? काय आहे व्हायरल व्हिडिओचं सत्य?

निष्कर्ष

सोशल मीडियावर व्हायरल होत असलेल्या महिला कार्यकर्तीच्या विनयभंगाच्या व्हिडिओचा भाजपशी कोणताही संबंध नाही. हा व्हिडिओ २००७ मधील पाकिस्तानातील एका रॅलीचा आहे. आता निवडणुकीच्या काळात संभ्रम निर्माण करण्यासाठी हा जुना व्हिडिओ शेअर केला जात आहे.

(This story was originally published by Logically Facts, and republished by MT as part of the Shakti Collective.)