Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
हायलाइट्स:
- कर्जत-जामखेड पाठोपाठ राहुरीतही राष्ट्रवादीचा भाजपला धक्का.
- नगरसेवक शहाजी जाधव यांच्यासह प्रमुख कार्यकर्ते राष्ट्रवादीत.
- राज्यमंत्री तनपुरे यांची नगरपालिका निवडणुकीसाठी मोर्चेबांधणी.
वाचा:जळगावात राजकीय भूकंप; भाजप, काँग्रेस, राष्ट्रवादीचे १२ नगरसेवक शिवसेनेत
राहुरी नगरपरिषदेतील भाजपचे नगरसेवक शहाजी जाधव यांनी आपल्या समर्थकांसह राष्ट्रवादी काँग्रेसमध्ये प्रवेश केला. याशिवाय मतदारसंघातील ग्रामीण भागातील धनगरवाडीचे सरपंच, सदस्य, तसेच इतर ठिकाणच्या काही भाजपच्या कार्यकर्त्यांनीही राष्ट्रवादी काँग्रेसमध्ये प्रवेश केला. राज्यमंत्री तनपुरे आणि राष्ट्रवादीचे जिल्हाध्यक्ष राजेंद्र फाळके यांच्या उपस्थितीत हा कार्यक्रम झाला. यावेळी बोलताना तनपुरे म्हणाले, ज्येष्ठ नेते शरद पवार यांच्या शिकवणीप्रमाणे राष्ट्रवादीत येणाऱ्या प्रत्येकाचा योग्य तो सन्मान राखला जाईल. पक्षावर विश्वास ठेवून प्रवेश करणाऱ्या सर्वांचे स्वागत आहे.
वाचा:महागोंधळ: आरोग्य विभागाची भरती परीक्षा ऐनवेळी पुढे ढकलली; टोपे म्हणाले…
भाजप नेते शिवाजी कर्डिले पूर्वी या मतदारसंघातून आमदार होते. गेल्या विधानसभा निवडणुकीत तनपुरे यांनी त्यांचा पराभव केला. आता पुढील निवडणुकीसाठी कर्डिले यांनी तयारी सुरू केली आहे. राहुरीत अपयश आल्याने त्यांच्यापुढे विधान परिषेदेची स्थानिक स्वराज्य संस्था मतदारसंघातून निवडणूक लढविणे तसेच पुढील निवडणुकीला राहुरी ऐवजी नगर तालुक्यालगतच्या श्रीगोंदा मतदारसंघातून निवडणूक लढविणे असे पर्याय असल्याचे बोलले जाते. या पार्श्वभूमीवर राहुरी तालुक्यातील त्यांच्या समर्थकांनी पक्ष सोडून विरोधी गोटात सामील होणे लक्षवेधी ठरत आहे. कर्जतमध्येही भाजपचे उपनगराध्यक्ष नामदेव राऊत आणि त्या आधी भाजपच्या ज्येष्ठ कार्यकर्त्यांनी राष्ट्रवादीचे आमदार रोहित पवार यांचे नेतृत्व स्वीकारून राष्ट्रवादी काँग्रेसमध्ये प्रवेश केला आहे. तेथेही भाजपचे माजी मंत्री राम शिंदे यांना या कार्यकर्त्यांनी धक्का दिला आहे. हे दोन्ही मतदारसंघ भाजपचे खासदार डॉ. सुजय विखे पाटील यांच्या लोकसभा मतदारसंघात येतात.
वाचा: ओबीसींचा इम्पिरिकल डेटा अडवणे हे ‘त्या’ दिशेनं पहिलं पाऊल; भुजबळांचा आरोप
लवकरच होऊ घातलेल्या स्थानिक स्वराज्य संस्थांच्या निवडणुकीच्या तोंडावर ही पक्षांतरे सुरू झाली आहेत. कर्जत-जामखेड आणि राहुरी या दोन्ही ठिकाणी राष्ट्रवादीचे युवा नेते प्रथमच आमदार म्हणून निवडून आलेले आहेत. हा विजय मिळविताना त्यांनी भाजपच्या दिग्गज नेत्यांचा पराभव केला असून त्यानंतरही मतदारसंघावर आपली पकड मजबूत ठेवली आहे. आता भाजपच्या कार्यकर्त्यांना खेचून स्थानिक स्वराज्य संस्था ताब्यात घेण्याची तयारी त्यांनी सुरू केल्याचे दिसून येते.
वाचा:अनिल परबांविरुद्ध सोमय्यांना माहिती कुणी पुरवली?; कर्वे अखेर बोलले