इच्छुक झाले उदंड, सरसावले महाराज-महंत; नेत्यांना सुटेना नाशिकचं कोडं, कुठे अडलंय घोडं?

नाशिक: लोकसभा निवडणुकीचे दोन टप्पे पार पडलेत. पण पाचव्या टप्प्यात असलेल्या नाशिकच्या जागेचा तिढा सत्ताधारी महायुतीला अद्याप सोडवता आलेला नाही. विशेष म्हणजे या जागेवर शिंदेंची शिवसेना, भाजप आणि अजित पवारांच्या राष्ट्रवादीचा दावा आहे. विद्यमान खासदार असलेले हेमंत गोडसे शिंदेसेनेत आहे. गेल्या महिन्याभरापासून ते तिकीट मिळवण्यासाठी मुंबईच्या वाऱ्या करत आहेत. पण अद्याप तरी त्यांना तिकीट मिळालेलं नाही.

विद्यमान खासदार सेनेचा असल्यानं शिंदेसेनेचा नाशिकवर दावा आहे. तर इथे आपली ताकद लक्षणीय असल्याचा दावा भाजप आणि राष्ट्रवादी काँग्रेस करत आहे. उमेदवारीची चर्चा लांबल्यानं भुजबळांनी नाशिकवरील दावा सोडला. पण राष्ट्रवादीचा दावा कायम आहे. भाजपनंदेखील माघार घेतलेली नाही. त्यामुळे शिवसेनेचं टेन्शन वाढलं आहे.
गेम झाला! काँग्रेस उमेदवाराची माघार, कमळ घेतलं हाती; भाजपचा ‘सूरत पॅटर्न’, कोणी केलं ऑपरेशन?
अध्यात्मिक गुरु, महाराज, संत-महंतदेखील नाशिकमधून लढण्यास उत्सुक आहेत. बाबाजी भक्त परिवाराच्या शांतीगिरी महाराज यांनी आज लोकसभा निवडणुकीसाठी उमेदवारी अर्ज भरला. आपण शिंदे गटाकडून अर्ज भरल्याचं त्यांनी पत्रकारांना सांगितलं. मुख्यमंत्र्यांनी आमच्या मागण्या ऐकून घेतलेल्या आहेत. ते योग्य निर्णय घेतील, असा विश्वास शांतीगिरी महाराजांनी व्यक्त केला.
पटेलांचे वरळीतले घर छान, पण…; पवार ‘प्रॅक्टिकल’ बोलले, दादांच्या काळजीचे कारणही सांगितले
तुम्हाला शिवसेनेनं एबी फॉर्म दिला आहे का, या प्रश्नाला त्यांनी नकारार्थी उत्तर दिलं. पक्षानं एबी फॉर्म दिलेला नसताना तुम्ही त्यांच्याकडून अर्ज कसा भरला असाही प्रश्न शांतीगिरी महाराजांना विचारण्यात आला. त्यावर शिवसेनेचं चिन्ह धनुष्यबाण आहे. प्रभू रामाच्या हाती धनुष्यबाण असतो. प्रभू रामांची इच्छा असेल तर ते सर्वकाही बरोबर करतील, असं शांतीगिरी महाराज म्हणाले.
फ्लेक्सवर फ्लेक्स! भाजपच्या बॅनरवर बेरोजगार तरुणाचे बॅनर; पोलिसांची तारांबळ उडवणारा तो कोण?
दुसरीकडे महंत अनिकेत शास्त्री यांनीदेखील उमेदवारी अर्ज घेतला आहे. नाशिकमधून आपणच भाजपचे उमेदवार असल्याचा ठाम विश्वास त्यांनी व्यक्त केला. ‘१० वर्षांमधील काम माझ्या पाठिशी आहे. ४ महिन्यांपासून निवडणुकीची तयारी सुरू आहे. धर्मशास्त्राला अनुसरुन माझं कार्य सुरू आहे. पक्षश्रेष्ठींनी आदेश दिल्यानंच आज अर्ज घेतला,’ असं अनिकेत शास्त्रींनी सांगितलं.

एका बाजूला राजकीय नेत्यांमध्ये नाशिकच्या उमेदवारीसाठी चढाओढ सुरू आहे. विद्यमान खासदार गोडसे तिकीट मिळवताना मेटाकुटीला आले आहेत. भाजप, राष्ट्रवादी या जागेवरील दावा सोडण्यास तयार नाहीत. त्यात आता महंत, महाराजांनी नाशिकच्या आखाड्यात उड्या घेतल्यानं महायुतीत ही जागा नेमकी कोणाला सुटणार, उमेदवार कोण असणार, हे प्रश्न निर्माण झाले आहेत.