खासदाराची पक्षातून हकालपट्टी करण्याची मागणी; सेक्स स्कँडल प्रकरणात प्रज्वल रेवन्नांच्या अडचणीत वाढ, थेट देवगौडा यांना पत्र

बेंगलरू: सेक्स स्कँडल प्रकरणात अडचणीत सापडलेल्या खासदार प्रज्वल रेवन्ना यांची डोकेदुखी दिवसेंदिवस वाढत चालली आहे. आता त्यांच्याच पक्षातील नेत्यांने प्रज्वल रेवन्ना यांची हकालपट्टी करण्याची मागणी करणारे पत्र जेडीएस प्रमुख एचडी देवगौडा यांना पाठवलं आहे. या पत्राने प्रज्वल रेवन्ना यांच्या समोर दुहेरी संकट निर्माण झाले आहे.

जेडीएस आमदार शरणागौडा कांडपूर यांनी पक्षाचे अध्यक्ष एचडी देवगौडा यांना पत्र लिहून प्रज्वल रेवन्ना यांची पक्षातून हाकलपट्टी करण्याची मागणी केली आहे. दैवगौडा यांना लिहलेल्या पत्रात कांडपूर म्हणतात, गेल्या काही दिवसांपासून राज्यात सेक्स स्कँडलचे व्हिडीओ व्हायरल होत असून त्यात काही व्हिडीओमध्ये रेवन्ना दिसत आहेत. म्हणून मी तुम्हाला विनंती करतो की, त्यांची पक्षातून त्वरीत हाकालपट्टी करण्यात यावी.

प्रकरणाची एसआईटी मार्फत होणार चौकशी

कर्नाटकचे मुख्यमंत्री सिद्धारमैया यांनी प्रज्वल रेवन्ना यांच्या सेक्स स्कँडल प्रकरणाची एसआईटी मार्फत चौकशी करण्यात येणार आहे सागितलं. हे सगळं प्रकरण पुढे आल्यानंतर कर्नाटक राज्य महिला आयोगाच्या अध्यक्षांनी मुख्यमंत्री सिद्धारमैया यांना पत्र लिहून प्रकरणाची सखोल चौकशी करण्याची मागणी केली होती. रेवन्ना यांच्या कथित सेक्स स्कँडल प्रकरणाची एसआईटी मार्फत सखोल चौकशी करण्याचा निर्णय घेण्यात आला आहे. सध्या व्हायरल होत असलेल्या व्हिडिओ मधून महिलांचं लैंगिक शोषण झाल्याचं दिसत आहे. म्हणून या प्रकरणाची एसआईटी मार्फत चौकशी करण्यात येणार असल्याचा निर्णय घेण्यात आला आहे. एसआईटीचं नेतृत्व एडीजीपी रँकचे अधिकारी करणार आहेत. ज्यात १ महिला एसपी आणि ३ एसपी रँकचे आधिकारी सामील आहेत, अशी पोस्ट सिद्धरमैया यांनी सोशल मीडियावर केली आहे.

कोण आहेत प्रज्वल रेवन्ना?

प्रज्वल रेवन्ना हे कर्नाटकचे माजी मंत्री एचडी रेवन्ना यांचे चिरंजीव आहेत. तसेच माजी पंतप्रधान एचडी देवगौडा यांचे नातू आहेत. ते सध्या कर्नाटकच्या हसन मतदारसंघाचे खासदार आहेत. यावेळेस त्यांना हसन मतदारसंघातून उमेदवारी देण्यात आली आहे. येथे दुसऱ्या टप्प्यात म्हणजेच २६ एप्रील रोजी मतदान पार पडले. मतदान पार पडताच प्रज्वल हे जर्मनीला गेल्याची माहिती मिळत आहे.