Fact Check: कन्हैया कुमारने इस्लाम कुबूल केला? सोशल मीडियावर व्हायरल होणारा दावा खोटा

नवी दिल्ली : काँग्रेसचा ईशान्य दिल्ली लोकसभा उमेदवार कन्हैया कुमारचा व्हिडिओ व्हायरल होत आहे. या व्हिडिओबाबत सोशल मीडियावर दावा केला जात आहे की, कन्हैया कुमारने इस्लाम धर्म स्वीकारला आहे. व्हिडिओ पोस्ट करणाऱ्या व्यक्तीनुसार, कन्हैया व्हिडिओमध्ये इस्लामची स्तुती करताना दिसत आहे. मात्र, वस्तुस्थिती तपासताना हा दावा खोटा असल्याचे आढळून आले. हा व्हिडिओ यापूर्वीही व्हायरल झाला होता. तपासादरम्यान हा व्हिडिओ अनेक प्रकारे एडिट करण्यात आल्याचे समोर आले.

Fact Check: गुजरातमधील अदानी बंदरावरुन गायींची निर्यात? सोशल मीडियावरील व्हायरल व्हिडिओचं सत्य काय?

व्हायरल व्हिडिओमधील दावा काय?

कन्हैया कुमारने इस्लाम स्वीकारल्याचा दावा करणारा व्हिडिओ शिवम दीक्षितने शेअर केला आहे. त्याने त्याच्या X हँडलवरून लिहिलंय की, हा कन्हैया अब्दुल निघाला. “मी मुस्लीम झालोय…! सगळ्यांनी मुस्लिम व्हायला हवं…! जुना (हिंदू) धर्म निरुपयोगी आहे…! अल्लाहून बलवान कोणी नाही, इस्लाममध्ये अस्पृश्यता नाही. २ शब्दात तुम्ही कन्हैया कुमारला काय म्हणाल?

पण या व्हिडिओच्या तपासादरम्यान या ट्विटमध्ये केला गेलेला दावा खोटा असल्याचं समोर आलं आहे. त्यामुळे या व्हिडिओचा तपास करण्यात आला.

तपासात व्हिडिओचं सत्य समोर…

व्हिडिओच्या तपासादरम्यान २७ ऑगस्ट २०१८ रोजी वन चॅनलच्या यूट्यूब चॅनेलवर अपलोड केलेला व्हिडिओ आढळला. कन्हैया कुमार नांदेडमध्ये मुस्लिम समाजाच्या लोकांसोबत बैठक घेत असल्याचे व्हिडिओ रिपोर्टमध्ये सांगण्यात आले आहे. हा व्हिडिओ पूर्ण पाहिल्यानंतर व्हिडिओचे वेगवेगळे भाग एटिट करुन ही व्हायरल क्लिप तयार करण्यात आल्याचे समोर आले.

संपूर्ण व्हिडिओमध्ये कन्हैया कुमारने कुठेही इस्लाम धर्म स्वीकारण्याबाबत बोललेले नाही, त्यामुळे तपासात हे सिद्ध झाले आहे की, कन्हैया कुमारचा जवळपास ६ वर्षे जुना व्हिडिओ एडिट करून सोशल मीडियावर खोटे दावे केले जात आहेत.

निष्कर्ष

सोशल मीडियावर कन्हैया कुमारचा इस्लाम धर्म स्वीकारण्याचा व्हिडिओ बनावट असल्याचे आढळून आले. कन्हैयाने कधीही इस्लाम स्वीकारण्याबाबत बोलले नाही.

(This story was originally published by News Checker, and republished by MT as part of the Shakti Collective.)