Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
6G Internet speed: जपानने तयार केलं पाहिलं 6G डिवाइस, 100 Gbps स्पीड, 5Gपेक्षा 20 पटीने फास्ट
जपानने जगातील पहिले 6G डिव्हाइस बनवले आहे. हा एक प्रोटोटाइप आहे जो 100 Gbps प्रति सेकंद वेगाने 300 फूट पेक्षा जास्त अंतरावर डेटा ट्रांसमिट करू शकतो. सध्याच्या 5G तंत्रज्ञानापेक्षा ते 20 पट फास्ट असल्याचा दावा करण्यात आला आहे. रिपोर्ट्सनुसार, 6G डिव्हाइस जपानच्या DoCoMo, NTT कॉर्पोरेशन, NEC कॉर्पोरेशन आणि Fujitsu सह संयुक्तपणे विकसित केले गेले आहे. या उपकरणाचे रिझल्ट्स गेल्या महिन्यात जाहीर करण्यात आले होते. असा दावा केला जातो आहे की 6G प्रोटोटाइप 100 GHz बँड वापरून इनडोअर 100 Gbpsपर्यंत गती मिळवू शकते.
एका अहवालानुसार, 6G प्रोटोटाइपची चाचणी 328 फूट परिसरात करण्यात आली. याचे परिणाम नक्कीच चांगले होते, परंतु 6G ला पूर्ण यात पूर्णपणे यश मिळवता आले नाही. याचे प्रमुख कारण म्हणजे त्याची चाचणी केवळ एका उपकरणात करण्यात आली. तज्ज्ञांना कमर्शल स्वरूपात अजून याचा प्रभाव बघता आला नाही
सध्या, 5G तंत्रज्ञान जगभरातील कनेक्टिव्हिटीसाठी सर्वात प्रगत मानले जाते. या तंत्रज्ञानाचा कमाल स्पीड 10Gbps आहे. याशिवाय, विविध देशांमध्ये 5G नेटवर्कचा वेग देखील वेगवेगळा आहे. अमेरिका, चीन, जपान आणि भारत या देशांनीही 6G वर काम सुरू केले आहे. असे मानले जाते की 6G च्या आगमनाने, लोक रिअल-टाइम होलोग्राफिक संभाषण करू शकतील. व्हर्च्युअल आणि मिक्स रिअलीटीच्या जगात लोकांना नवीन अनुभव मिळतील अशी अपेक्षा व्यक्त केली जात आहे.
जगभरात सध्या 5G नेटवर्कसाठी अनेक सुविधा तयार केल्या जात आहेत. मात्र अनेक देशांत ते अद्याप सुरूही झालेले नाही. असे असतांना 6G साठी कंपन्या आणि सरकारला अधिक मेहनत घ्यावी लागणार आहे. रिपोर्टनुसार, मोबाईल टॉवर्स पूर्णपणे बदलावे लागतील आणि 6G इनबिल्ट अँटेना असलेले नवीन स्मार्टफोन बाजारात आणावे लागतील.
5G मध्ये काय खास आहे?
5G युजर्सला 4G नेटवर्कपेक्षा 20 पट अधिक स्पीड मिळतो. या स्पीडचा अंदाज तुम्ही यावरून लावू शकता की संपूर्ण एचडी मूव्ही केवळ 1 सेकंदात डाउनलोड होते. 3G आणि 4G नेटवर्कच्या तुलनेत 5G यूजरला कोणत्याही त्यांच्या नेटवर्क प्रोव्हायडरशी कनेक्ट होण्यात कोणतीही अडचण येत नाही. डेटाच्या पॅकेटला एका पॉइंटपासून दुस-या पॉइंटपर्यंत पोहोचण्यासाठी जो वेळ लागतो त्याला लेटन्सी म्हणतात. 5G च्या बाबतीत, लेटन्सी दर 1 मिलीसेकंद असेल तर 4G नेटवर्कमध्ये हा दर 10 मिलीसेकंद इतका आहे. 5Gच्या तुलनेने 6G अधिक फास्ट असेल.