काय सांगता..४ शास्त्रज्ञ पृथ्वीवर जगतील मंगळासारखं जीवन, कसे जाणून घ्या

भविष्यात माणसाला मंगळावर पाठवण्याच्या दृष्टीने अमेरिकन अंतराळ संस्था नासाने काम सुरू केले आहे. गेल्या वर्षी जूनमध्ये नासाने 4 माणसांना अशा ठिकाणी ठेवले होते जिथे वातावरण मंगळासारखे आहे. अंतराळ संस्थेने पृथ्वीवरच असा सेटअप तयार केला आहे, ज्यामध्ये मंगळाचे वातावरण आहे. या सेटअपमध्ये नासा पुन्हा एकदा 4 नवीन लोकांना राहण्यासाठी पाठवणार आहे. चारही माणसं त्या सेटअपमध्ये 10 मे पासून 45 दिवस राहणार आहेत.

रिपोर्टनुसार जेसन ली, स्टेफनी नवारो, शरीफ अल रोमैथी आणि पियुमी विजेसेकेरा अशी या चार माणसांची नावे आहेत. ही लोक 10 मे रोजी सेटअपमध्ये प्रवेश करतील आणि 24 जून रोजी त्यातून बाहेर येणार आहेत.

हे ठिकाण अमेरिकेतील ह्यूस्टनमधील जॉन्सन स्पेस सेंटरमध्ये आहे. त्याला क्रू हेल्थ अँड परफॉर्मन्स एक्सप्लोरेशन ॲनालॉग (CHAPEA) म्हणतात. NASA ला पृथ्वीवरील लोकांसाठी मंगळाची परिस्थिती निर्माण करून आणि या 4 माणसांना तिथे ठेवून मंगळाची परिस्थिती समजून घ्यायची आहे. तिला हे जाणून घ्यायचे आहे की मानवाला मंगळावर राहण्यासाठी पाठवल्यास त्यांना कशा वातावरणाचा सामना करावा लागू शकतो.

3D प्रिंटेड असेल हे घर

चार लोक ज्या घरामध्ये राहतील ते घर 3D प्रिंटेड असणार आहे. त्यात राहणाऱ्या लोकांना स्वतःसाठी पालेभाज्या पिकवाव्या लागतील. मंगळावर जे काम शास्त्रज्ञांना करावे लागेल ते सर्व करावे लागेल.

ही लोक ज्या घरामध्ये राहतील त्या घराचा दरवाजा एअर लॉक केला जाईल. कारण मंगळावर ऑक्सिजन नाही आणि पृथ्वीवरील सिम्युलेटेड मंगळाच्या वातावरणातही या चारही लोकांना कृत्रिम ऑक्सिजनवर अवलंबून राहावे लागणार आहे. नासाचे म्हणणे आहे की हे ठिकाण शास्त्रज्ञांना त्यांच्या अभ्यासात मदत करेल. चंद्र, मंगळ आणि इतर ग्रहांवर जाण्यापूर्वी क्रू मेंबर्सना कसे जुळवून घ्यावे लागते हे शास्त्रज्ञ जाणून घेऊ शकतील.

मंगळवर प्रत्यक्षपणे नेण्यात येणाऱ्या सर्व गोष्टी या घरात ठेवण्यात येतील. मात्र मंगळावरील गुरुत्वाकर्षणासंदर्भात येथे काही नसेल असे सांगण्यात येत आहे. CHAPEA मिशनची घोषणा ऑगस्ट 2021 मध्ये करण्यात आली होती आणि NASA ने 2021 साठी अर्ज मागवले होते. यानंतर क्रूची निवड करण्यात आली. नासा आर्टेमिस मिशनद्वारे चंद्रावर पहिली महिला उतरवण्याचा प्रयत्न करत आहे.