ना घर ना आलिशान कार, हातात फक्त ५२ हजारांची रोख, वाचा नरेंद्र मोदींची एकूण संपत्ती किती?

नवी दिल्ली: देशाचे पंतप्रधान नरेंद्र मोदी उत्तर प्रदेशच्या वाराणसी लोकसभा मतदारसंघातून निवडणूक लढवत आहेत. पीएम मोदींनी मंगळवारी वाराणसीमधून उमेदवारी अर्ज दाखल केला. यावेळी पंतप्रधानांनी प्रतिज्ञापत्रही दाखल केले. प्रतिज्ञापत्रानुसार, पंतप्रधान मोदींकडे सुमारे ३ कोटी रुपयांची संपत्ती आहे. पीएम मोदींना वार्षिक २३,५६,०८० रुपये पगार मिळतो. म्हणजेच देशाचे पंतप्रधान नरेंद्र मोदी यांना दरमहा सुमारे २ लाख रुपये पगार मिळतो. मात्र पगारासोबतच पंतप्रधानांना दैनंदिन भत्ता, खासदार भत्ता आदी इतर सुविधाही दिल्या जातात.
Palghar Loksabha: बेडूक फुगला तर बैल होत नाही आणि लांडगा कधी वाघ होत नाही, फडणवीसांचा ठाकुरांवर हल्ला
सादर केलेल्या प्रतिज्ञापत्रानुसार, पंतप्रधान मोदींकडे स्वतःचे कोणतेही वैयक्तिक वाहन/कार किंवा घर नाही. रोख रकमेबद्दल बोलायचे झाले तर पंतप्रधानांकडे जवळपास ५२,९२० रुपये रोख आहेत. यासोबतच त्यांच्या गांधीनगर शाखेतील स्टेट बँक खात्यात ७३,३०४ रुपये जमा आहेत. तर त्यांच्या वाराणसी शाखेतील स्टेट बँक खात्यात फक्त ७००० हजार रुपये जमा आहेत. याशिवाय पीएम मोदींनी स्टेट बँकेत २,८५,६०,३३८ कोटी रुपयांची एफडी देखील केली आहे. पंतप्रधान मोदींनी कोणत्याही शेअर बाजार, म्युच्युअल फंड किंवा बाँड्स इत्यादींमध्ये कोणतीही गुंतवणूक केलेली नाही.पंतप्रधान मोदींकडे ४ सोन्याच्या अंगठ्याही आहेत. असे म्हटले जाते की पीएम मोदींनी या अंगठ्या दीर्घकाळ सुरक्षित ठेवल्या आहेत. पण ते त्या परिधान करत नाहीत. किंमतीबद्दल बोलायचे झाले तर या सर्व अंगठ्यांची किंमत २,६७,७५० रुपये आहे. याशिवाय पीएम मोदींनी गुजरातमधील गांधीनगरमध्ये आपल्या कुटुंबाची जमीन दान केली आहे. एकूणच, पंतप्रधान मोदींकडे ३,०२,०६,८८९ रुपयांची संपत्ती आहे.

दरम्यान २०१९ मध्ये दिलेल्या प्रतिज्ञापत्रानुसार, २०२४ मध्ये त्यांच्या संपत्तीत ५० लाखांनी वाढ झाली आहे. पीएम मोदींनी २०१४ मध्ये १.६६ कोटी रुपये आणि २०१९ च्या लोकसभा निवडणुकीत २.५१ कोटी रुपयांची संपत्ती जाहीर केली होती. २०२४ मध्ये त्यांची एकूण संपत्ती ३.०२ कोटी रुपये असल्याचे समोर आले आहे.