Tej Police Times
Sita Navami 2024 : सुखी संतान प्राप्तीसाठी सीता नवमीला करा हे उपाय, जाणून घ्या त्याविषयी सविस्तर
Sita Navami 2024 Tithi :
हिंदू पंचांगनुसार वैशाख महिन्यात अनेक महत्त्वाचे दिवस येतात. त्यापैकी एक सीता नवमी. वैशाख महिन्यातील शुक्ल पक्षाच्या नवमी तिथीला सीता नवमी असते. यावर्षी नवमी तिथी १६ मे २०२४ ला असणार आहे.
पौराणिक मान्यतेनुसार या दिवशी सीता देवी पृथ्वीवर अवतरली होती असे म्हटले जाते. ही नवमी तिथी जानकी नवमी आणि सीता नवमी म्हणूनही ओळखली जाते. भगवान श्रीराम हे विष्णूचे तर सीता माता हे लक्ष्मीचे रुप आहे. या दिवशी विवाहित स्त्रियांनी उपवास ठेवून मनोभावे सीता देवीची पूजा केल्याने मनोकामना पूर्ण होतात.
हिंदू पंचांगानुसार वैशाख महिन्याच्या शुक्ल पक्षातील नवमी तिथी ही १६ मे रोजी सकाळी ६.२२ मिनिटांनी सुरु होईल तर १७ मे ला सकाळी ८.४७ मिनिटांनी संपणार आहे. पूजा करण्यासाठी सकाळी १०.५६ ते १.३९ पर्यंत आहे. या शुभ मुहूर्तावर सीता मातेची पूजा करू शकता.
1. सीता नवमी पूजा पद्धत
- सीता नवमीच्या दिवशी सकाळी लवकर उठून स्नान करावे. तसेच व्रताचा संकल्प करावा.
- त्यानंतर देवघरात लाल रंगाचा कापड पसरवून भगवान श्रीराम आणि माता सीतेचा फोटो ठेवावा.
- पाण्यात गंगाजल मिसळून भगवान श्रीराम आणि माता सीतेचा फोटो त्या पाण्याने पुसून घ्यावा. त्यानंतर विधीनुसार पूजा करावी.
- पूजेत फळे, फुले, धूप, दिवा, सिंदूर, तीळ, जव आणि अक्षता यांचा वापर करावा. पूजेच्या वेळी सीता चालिसाचा पाठ करावा.
- आरती बोलून सुख, समृद्धी, संपती आणि संतान प्राप्तीसाठी प्रार्थना करावी.
Mohini Ekadashi 2024 : भगवान विष्णूला ही ४ फुले अतिशय प्रिय; मोहिनी एकादशीला करा अर्पण, होतील अनेक मनोकामना पूर्ण
2. उपाय
सीता नवमीच्या दिवशी मातेला साज शृंगार अर्पण केल्याने वैवाहिक जीवनात आनंद टिकून राहातो. तसेच वैवाहिक जीवनातील सर्व संकटे दूर होतात.
या दिवशी मुलींनी चांगल्या जोडीदारासाठी राम चरित्र मानस या मंत्राचा जप करा.
3. सीता नवमीचे महत्त्व
धार्मिक शास्त्रानुसार या दिवशी व्रत केल्याने पृथ्वीचे दान आणि सर्व तीर्थांचे फल प्राप्त होते असे म्हटले जाते. तसेच सर्वप्रकारच्या दु:ख आणि रोगांपासून मुक्ती मिळते. वैवाहिक जीवन सुख बनवण्यासाठी यादिवशी भगवान श्रीराम आणि सीता मातेची पूजा आणि उपासना करणे महत्त्वाचे मानले जाते.
टीप : ही सर्व माहिती भाविकांची श्रद्धा लक्षात घेऊन दिली जात आहे, तुमच्या श्रद्धा आणि विश्वासावर ज्योतिष उपाय आणि सल्ला वापरून पाहा. याचा उद्देश फक्त तुम्हाला चांगला सल्ला देणे आहे. या संदर्भात आम्ही कोणताही दावा करत नाही.