गंगापुर पोलिसांकडून दुचाकी चोरीचा गुन्हा २४ तासात उघड, दोघांना अटक…

गंगापुर पोलिसांकडून दुचाकी चोरीचा गुन्हा २४ तासात उघड, दोघांना अटक…

नाशिक (प्रतिनिधी) – दुचाकी (मोटारसायकल) चोरणाऱ्या दोन चोरट्यांना गंगापुर पोलिसांनी अटक करुन दुचाकीचा गुन्हा २४ तासात उघडकीस आणून ४ दुचाकी जप्त केल्या आहेत. ही कारवाई गंगापुर पोलिसांनी शिवाजीनगर परिसरात केली आहे. दुचाकी चोरीची घटना शनिवार, (दि.११ रोजी) सायंकाळी  घडली होती. अरुण बाळकृष्ण काकुळते (वय-३९) आणि पंकज दगडु सावंत (वय-३८) असे अटक केलेल्या आरोपींची नावे आहेत

गंगापुर पोलीस स्टेशन कार्यक्षेत्रातील रहिवाशी इसम नामे दिनेश कौतिक सोनवणे (वय-२४ वर्षे) व्यवसाय-खाजगी नोकरी रा.शिवाजीनगर बसस्टॉप जवळ, फ्लॅट नं.३ द इम्पियर अपार्टमेंट, शिवाजीनगर, नाशिक यांनी तक्रार नोंदविली की, त्यांची फॅशन प्रो मोटार सायकल क्र. एमएच-१८-एएच-८४३२ हि त्यांचे मित्र राहत असलेल्या बिल्डींगच्या पार्कीगमध्ये (दि.११मे) रोजी संध्याकाळी १६.१५ वाजता व्यवस्थित हॅन्डल लॉक करुन पार्क केलेली असताना कोणीतरी अज्ञात इसमाने त्यांचे संमतीशिवाय चोरुन नेली असलेबाबत तक्रार नोंदविली असता त्यांचे तक्रारीचे अनुषंगाने गंगापुर पोलीस ठाणे गुरनं.११६/२०२४ भादविक.३७९ प्रमाणे (दि.१३मे) रोजी १५.२८ वाजता गुन्हा नोंद करुन नमुद गुन्हयाचा तपास पोहवा गिरीष महाले यांचेकडे देण्यात आला.

त्या अनुषंगाने गुन्हेशोध पथकामध्ये काम करणारे पोअं. भागवत थविल यांना गुप्तबातमीदारामार्फत माहिती मिळाली की, इसम नामे अरुण काकुळते व पंकज सावंत नमुद वर्णनाची विना नंबरप्लेटची मोटार सायकल घेऊन शिवाजीनगर परिसरात फिरत आहे तेव्हा गुप्त बातमीदाराचे मार्फतीने पाठपुरावा केला असता नमुद इसम हे सत्यम वाईन्स, शिवाजीनगर याठिकाणी असल्याची माहिती मिळाल्याने सदर ठिकाणी जावुन त्यांना ताब्यात घेण्यात आले असुन त्यावेळी त्यांचे ताब्यातुन गुन्हयात चोरीस गेलेली फॅशन प्रो मोटार सायकल हस्तगत करण्यात आली आहे. तदनंतर नमुद इसमांना त्यांचे नांव गांव विचारता त्यांनी त्यांचे नाव १) अरुण बाळकृष्ण काकुळते (वय-३९ वर्षे) रा.आनंदविहार क, रोहाउस नं.३, दगडी बिल्डींगसमोर, शिवशक्ती चौक, शिवाजीनगर, नाशिक २) पंकज दगडु सावंत (वय-३८ वर्षे) रा.रोहिणीनिवास, स्वामीसमर्थ मंदीराजवळ, शिवाजीनगर, नाशिक असे सांगितले.

त्यावेळी नमुद इसमांना पोलीस ठाणे येथे आणुन चौकशी केली असता त्यांनी सदरचा गुन्हा केल्याची कबुली देवुन आणखी तीन मोटार सायकल चोरी केली असल्याबाबत नमुद गुन्हयाचे तपासात कबुल केल्याने विना क्रमांकाचा तीन मोटार सायकल त्यात होंडा सीडी डॉन, होंडा स्पेलेंडर व एक होंडा फॅशन प्रो अशा तीन मोटार सायकल व नमुद गुन्हयातील ०१ मोटार सायकल अशा एकुण ०४ मोटार सायकल हस्तगत करण्यात आलेल्या असुन चेसी व इंजिन नंबरचे अनुषंगाने त्यांचे मालकांचा शोध घेण्याची कार्यवाही सुरु आहे.

अशा प्रकारे सदरची कामगिरी पोलीस आयुक्त संदीप कर्णिक, पोलीस उप आयुक्त, परिमंडळ-१, किरणकुमार चव्हाण, पोलीस उप आयुक्त, सहा. पोलीस आयुक्त, सरकारवाडा विभाग सिध्देश्वर धुमाळ यांचे मार्गदर्शनाखाली गंगापुर पोलीस स्टेशनचे वरिष्ठ पोलीस निरीक्षक तृप्ती सोनवणे, पोलीस उप निरीक्षक मोतीलाल पाटील, पोहवा. गिरीष महाले, गणेश रहेरे, पोना.मच्छिंद्र वाकचौरे, पोअं.सोनु खाडे, सुजित जाधव, गोरख साळुंके, पोअं. भागवत थविल सर्व नेमणुक गंगापुर पोलीस स्टेशन यांनी केली आहे.