Fact Check: पंतप्रधान मोदींनी गुरद्वारात रिकाम्या बादलीतून जेवण वाढलं? जाणून घ्या व्हायरल फोटोचं सत्य

नवी दिल्ली : लोकसभा निवडणुकीदरम्यान, पंतप्रधान मोदींनी अलीकडे पाटणा येथील श्री हरिमंदिर जी पटना साहिब गुरुद्वाराला भेट दिली. तिथे त्यांनी भाविकांना लंगरमध्ये जेवण वाढले. त्यानंतर आता पीएम मोदींचा लंगर वाढतानाचा फोटो व्हायरल होत आहे. हा फोटो अनेक युजर्स शेअर करत असून असा दावा केला जात आहे की, पीएम मोदी रिकाम्या बादलीतून जेवण वाढत आहेत. एका यूजरने लिहिलंय, हे गेल्या दहा वर्षांपासून होत आहे. काळ्या बादलीत केवळ चमचा डुबवून रिकाम्या ताटात वाढण्याची फोटोजेनिक नौटंकी. पोस्टची आर्काइव लिंक.

तपासात काय समोर आलं?

बूमने या व्हिडीओची पडताळणी केली, त्यावेळी वेगळंच सत्य समोर आलं. पंतप्रधान मोदी १३ मे २०२४ रोजी तख्त श्री पटना साहिब गुरुद्वारात गेले होते. यावेळी ते पगडी घालून लंगरमध्ये लोकांना खीर देत होते. अशात आता सोशल मीडियावर मोदींनी रिकाम्या भांड्यातून जेवण वाढण्याला खोटा दावा केला जात आहे. मात्र तपासात हा दावा खोटा असल्याचं समोर आलं.
Fact Check : राहुल गांधींनी नरेंद्र मोदी पुन्हा पंतप्रधान होणार असं म्हटलंय? काय आहे व्हायरल व्हिडिओचं सत्य?
बूमने त्या दिवसापासून पंतप्रधान मोदींचे अनेक व्हिडिओ पाहिले, त्या सर्वांमध्ये पंतप्रधान मोदी बादलीतून खीर वाढताना दिसत आहेत. BOOM च्या टीमला ANI चा एक व्हिडिओ आढळला. पंतप्रधान मोदी जेवण वाढत असल्याचा हा व्हिडिओ होता. या व्हिडीओमध्ये पंतप्रधान ज्या बादलीतून जेवण वाढत आहेत ते दिसत आहे. त्यात खीर दिसते आहे. पोस्टची अर्काइव लिंक.

BOOM च्या टीमने पंतप्रधान मोदींचे त्या दिवसाचे इतर व्हिडिओ पाहिले, त्यावेळी त्यांना ANI च्या एक्स हँडलवर त्या दिवशीचे PM मोदींचे अनेक व्हिडिओ सापडले. त्या व्हिडिओमध्ये पंतप्रधान मोदी जेवण बनवताना मदत करतानाही दिसत आहेत. अर्काइव लिंक.

निष्कर्ष

बूमच्या पडताळणीत, रिकाम्या बादलीतून पंतप्रधान मोदींना जेवण वाढण्याचा दावा खोटा आहे. पंतप्रधान मोदींच्या हातात असलेल्या बादलीत खीर होती आणि ते ती सर्वांना वाढत होते.

(This story was originally published by Boom, and republished by MT as part of the Shakti Collective.)