Car accident : एक्स्प्रेस वेवर भीषण अपघातात कारचा चक्काचूर; मायलेकी अडकल्या, एका फंक्शनमुळे जीव वाचला

नोएडा : विटांनी भरलेल्या ओव्हरलोड ट्रॉलीला क्रेटा कारने मागून धडक दिल्याने भीषण अपघात घडला आहे. अपघातानंतर कारमधील प्रवासी मायलेक कारमध्येच अडकून पडल्या होत्या. परंतु सुदैवाने या मायलेकींचा जीव वाचला आहे. नोएडातील दनकौरच्या यमुना एक्सप्रेस-वे वर ही दुर्घटना घडली आहे.

यमुना एक्सप्रेस-वे वर भरधाव असलेल्या क्रेटा कारने पुढे चालणाऱ्या विटांनी भरलेल्या ट्रॉलीला जोरदार धडक मारली. हा अपघात एवढा भीषण होता की, कारची समोरची बाजूचा चुराडा झाला. ज्यात मायलेकी आतमध्येच दबल्या गेल्या. परंतु अपघात घडताच कारच्या एअरबॅग खुल्या झाल्या होत्या. त्यामुळे मायलेकी या भीषण अपघातातून बचावल्या. त्या दोघी आतून जोरदार मदतीसाठी ओरडत होत्या. घटनेची माहिती मिळताच दनकौर पोलिस घटनास्थळी दाखल झाले. मोठ्या प्रयत्नांची शिकस्त करत अपग्रस्त मायलेकीला कारमधून बाहेर काढले. यानंतर गंभीर अवस्थेत असलेल्या या मायलेकीला रुग्णालयात हलवण्यात आले.
तुफान गोळीबार, जमावाकडून जोरदार राडा; काठ्यांनी हाणामारी, कारण ठरली ‘पाणीपुरी’
सदर अपघातात ट्रॉलीचा चालक जखमी झाला आहे. ट्रॉलीचे मोठ्या प्रमाणात नुकसान झाले असून कारचा देखील चुराडा झाला आहे. पोलिसांनी ट्रॉलीला रस्त्यातून बाजूला हटवले आहे. तर हा अपघात घडल्याने घटनास्थळी उपस्थित लोक थक्क झाले होते.
भर लग्नमंडपात नवरदेवाने केलं नवरीला KISS, वरातीत निघाल्या लाठ्याकाठ्या, झाली हाणामारी
सदर घटना ही २३ मे रोजी सकाळी ७ च्या सुमारास घडली आहे. दिल्लीतील रहिवासी असणाऱ्या या मायलेकी आपल्या क्रेटा कारने ग्रेटर नोएडातून आपल्या स्वगृही परतत होत्या, ज्यासाठी त्यांनी यमुना एक्सप्रेस वेवर चढण्यासाठी रॅम्पचा वापर केला. आणि इतक्यात भरधाव असणाऱ्या कारने वीटांच्या ट्रॉलीला धडक दिली. या अपघातात कारचं इंजिन पूर्णपणे जळालं आहे. ट्रॉलीचे देखील मोठ्या प्रमाणात नुकसान झाले असून चालक गंभीर जखमी झाला आहे. सध्या चालकाची प्रकृती स्थिर असून मायलेकीची प्रकृती धोक्याबाहेर असल्याचे सांगण्यात येत आहे.