दार ठोठावलं, प्रतिसाद नाही, आत बाळाच्या रडण्याचा आवाज, हॉटेलच्या खिडकीतून पाहताच सारे हादरले

सोनीपत: एका हॉटेलमध्ये दोघांचा मृतदेह सापडून आल्याने एकच खळबळ माजली आहे. एक महिला आणि पुरुष हरियाणातील सोनीपतच्या गोहाना येथील हॉटेलच्या खोलीत मृतावस्थेत आढळून आले. २६ वर्षांची ही महिला विवाहित असून तिचे या तरुणाशी प्रेमसंबंध असल्याची माहिीत आहे. सध्या पोलिसांनी दोघांचेही मृतदेह ताब्यात घेतले असून या प्रकरणाचा तपास सुरु केला आहे. या दोघांनी आत्महत्या केल्याचं म्हटलं जात आहे.

सतपाल आणि खुशबू हे दोघे गोहाना येथील एका हॉटेलमध्ये थांबलेले होते. पोलिसांनी माहिती मिळाली की, तिथल्या एका हॉटेलमध्ये एक तरुण आणि एका महिलेचा मृतदह आढळून आला आहे. या दोघांनी गळफास घेतल्याचं पोलिसांना सांगण्यात आलं. माहिती मिळताच पोलिस तात्काळ घटनास्थळी दाखळ झाले आणि मृतदेह ताब्यात घेतले.

पोलिसांनी त्याच्या ओळखपत्राच्या आधारे त्यांची ओळख पटवली. तर या दोघांची नावं सतपाल आणि खुशबू असल्याचं समोर आलं. ते भिवानी गावातील राहणारे होते. त्यानंतर पोलिसांनी त्यांच्या कुटुंबीयांना याची माहिती दिली.

खुशबू ही विवाहित होती आणि चार दिवसांपूर्वी मावशीच्या मुलासोबत आपल्या मुलाला घेऊन पळाली होती. पोलिसांनी दोघांचेही मृतदेह शवविच्छेदनासाठी पाठवले आहेत.

हॉटेल कर्मचाऱ्यांनी दिलेल्या माहितीनुसार, हे दोघे एका लहान मुलासह हॉटेलमध्ये थांबले होते. सकाळी १० वाजता चेकआऊटची वेळ झाली. जेव्हा स्वच्छता कर्मचारी खोलीची साफसफाई करायला गेला तेव्हा त्याने बराच वेळ दार ठोठावलं. पण, आतून काहीही प्रतिसाद आला नाही. पण, आतून लहान मुलाच्या रडण्याचा आवाज येत होता. जेव्हा त्याने खिडकीतून पाहिलं तेव्हा ते दोघे गळफास घेतलेल्या अवस्थेत आढळले.

खुशबूचा नवरा गोविंद याने दिलेल्या माहितीनुसार, हे दोघे चार दिवसांपूर्वी घरातून पळून आले आहे. ते बेपत्ता असल्याची तक्रार आम्ही केली होती. आता त्यांचे मृतदेह मिळाल्याची बातमी कळाली.