कॅप्टन कुल धोनी खेळतांना दिसला हा गेम, व्हिडीओ व्हायरल होताच लाखो लोकांनी केला डाऊनलोड; पाहा

आयपीएल सुरू होताच धोनीची क्रेझ पुन्हा एकदा झपाट्याने वाढली आहे. पण आज आपण त्याच्या आवडत्या गेमबद्दल जाणून घेणार आहोत. धोनीच्या चाहत्यांनाही धोनीला कुठला गेम आवडतो हे कळाल्यावर आश्चर्य वाटेल. नुकत्याच शेअर करण्यात आलेल्या फोटोमध्ये माही हा गेम खेळतांना दिसला आहे.

सोशल मीडिया आणि इंस्टाग्राम रील्समुळे धोनी नेहमी ट्रेंडमध्ये राहतो. महेंद्रसिंग धोनीचा प्रत्येक फोटो आणि व्हिडिओ यूजर्स लाइक करतात. नुकताच त्याचा एक फोटो समोर आला आहे. यामध्ये तो फ्लाइटमध्ये बसून त्याच्या आयपॅडवर गेम खेळत होता. त्यात धोनी ‘कँडी क्रश सागा’ हा गेम खेळताना दिसला होता. हा फोटो खूप वेगाने व्हायरल झाला.

महेंद्रसिंग धोनीच्या चाहत्यांनीही तो खूप शेअर केला होता. भारतात हा गेम खूप लोकप्रिय आहे. तो 2012 मध्ये लाँच करण्यात आला होता. खरंतर हा एक गेम सर्व वयोगटातील लोकांना आवडतो. तरुणांपासून ते वृद्धांपर्यंत लोकांनाही या गेमचे खेळण्याचे वेड लागले आहे. यामुळेच करोडो लोकांनी तो डाउनलोड केला आहे.

हा गेम डाउनलोड कसा करायचा

तुम्हालाही हा गेम डाउनलोड करायचा असेल तर वेगळे काही करण्याची गरज नाही. तुम्हाला सिंपल ॲप स्टोअर किंवा प्ले स्टोअरवर जावे लागेल. येथे गेल्यानंतर तुम्ही हा गेम सहज डाउनलोड करू शकता. यामध्ये अनेक लेवल्स दिलेल्या असतात. एक एक करून त्या पार करून पुढे जायचे असते.

धोनीला कॅप्टन कूल म्हटले जाते आणि लोक त्याच्या नेहमी कुल राहण्याचे कारण जाणून घेण्याचा विचार करतात. आता त्याचा फोटो व्हायरल झाल्यानंतर चाहते म्हणत आहेत की तो मोबाईल गेमिंगच्या मदतीने शांत राहतो.

3 तासांत लाखो लोकांनी हा गेम डाउनलोड केला

वास्तविक, एमएस धोनी फ्लाइटमध्ये कँडी क्रश गेम खेळत होता. व्हिडिओ व्हायरल झाल्यानंतर #CandyCrush ट्विटरवर ट्रेंड करू लागला. काही लोकांनी हा गेम कँडी क्रश नसून पेट रेस्क्यू सागा असल्याचे सांगितले दिसायला आणि खेळायला तो सेम टू सेम कँडी क्रश सारखाच आहे. व्हिडिओ व्हायरल होताच, तीन तासांत 35 लाखांहून अधिक लोकांनी हा गेम डाउनलोड केला. ही माहिती गेम ॲप्लिकेशननेच शेअर केली आहे. एवढ्या कमी वेळेत एवढ्या गेम लोकांनी गेम डाउनलोड केल्याबद्दल या गेम ॲप्लिकेशनने ट्विटरवर एमएस धोनीचे आभार मानले आहेत.