हेलिकॉप्टरवर हल्ला नाही, रईसी यांच्या दुर्घटनेबाबत इराण लष्कराचे स्पष्टीकरण

वृत्तसंस्था, तेहरान : इराणचे तत्कालीन अध्यक्ष इब्राहिम रईसी यांचे हेलिकॉप्टर डोंगराळ भागात कोसळल्यानंतर त्याने लागलीच पेट घेतला, या हेलिकॉप्टरवर हल्ला झाल्याची कोणतीही चिन्हे नाहीत, असे इराणच्या लष्कराकडून गुरुवारी स्पष्ट करण्यात आले.रईसी यांच्या हेलिकॉप्टर अपघाताबाबत इराणी लष्कराच्या तपास प्रमुखांचे निवेदन गुरुवारी उशिरा सरकारी टीव्ही वाहिनीवर वाचून दाखवण्यात आले. रईसी यांच्या अपघाताबाबतच्या या पहिल्या निवेदनात कोणावरही दोषारोप करण्यात आलेले नाहीत. मात्र तपासाअंती अधिक तपशील उपलब्ध होतील, असे स्पष्ट करण्यात आले आहे. रविवारी झालेल्या या अपघातात इब्राहिम रईसी आणि इराणच्या परराष्ट्रमंत्र्यांसह अन्य आठ जणांचा मृत्यू झाला होता. अपघाताच्या आधी हेलिकॉप्टरमधील कर्मचारी आणि नियंत्रण टॉवर यांच्यामध्ये झालेल्या संभाषणामध्ये काहीही संशयास्पद आढळले नाही, असे लष्कराच्या निवेदनात स्पष्ट करण्यात आले.
Gajanan Kirtikar : शहांनी राज्यपाल पदाचा शब्द दिलाय, दरेकरांनी विनाकारण बोलू नये, कीर्तिकरांच्या मदतीला अडसूळ

इराणचे तत्कालीन अध्यक्ष रईसी यांना वाहून नेत असलेले हे जीर्ण ‘बेल’ हेलिकॉप्टर रविवारी धुक्याच्या वातावरणात इराणच्या वायव्य भागातील दुर्गम डोंगराळ प्रदेशात कोसळले होते. कोसळलेले हेलिकॉप्टर सोमवारी सकाळी सापडले. त्यातील सर्व आठ जण मृत्युमुखी पडले होते. रईसी यांचा दफनविधी मशहाद येथील इमाम रझा येथे गुरुवारी पार पडला होता.

मार्गही बदलला नव्हता

हेलिकॉप्टर कोसळण्याच्या अवघे ९० सेकंद आधी अपघातग्रस्त हेलिकॉप्टरचा त्याच्यासोबत असलेल्या अन्य दोन हेलिकॉप्टरसोबत संपर्क झाला होता. हेलिकॉप्टरवर हल्ला झाल्याचे कोणतेही चिन्ह आढळले नाही, तसेच या हेलिकॉप्टरचा मार्गही बदलला नव्हता, असे लष्कराच्या निवेदनात स्पष्ट करण्यात आले.