तेज पोलीस टाइम्स | पोलीस आणि जनतेचा आवाज

Police Vehicle Accident: पोलिसांच्या गाडीचा तोल गेला, सफाई कर्मचारी भरधाव वाहनाच्या कचाट्यात, पुढे काय घडलं?

0 32

भोपाळ : पोलीस ठाणे प्रभारींच्या गाडीखाली येऊन सफाई कर्मचाऱ्याला गंभीर दुखापत झाल्याची घटना घडली आहे. हॉटेलबाहेर उभ्या असलेल्या पोलिसांच्या गाडीला अपघात घडल्याने रस्त्यावरील सफाई कर्मचारी त्या गाडीच्या खाली आला होता. या घटनेनंतर दोन पोलीस ठाणे प्रभारींवर निलंबनाची कारवाई करण्यात आली आहे.

मध्य प्रदेशच्या सागर मधील हे दोन्ही ठाणे प्रभारी राजघाट रोडवर असलेल्या एका प्रसिद्ध रेस्टॉरंट आणि बारमध्ये जेवायला गेले होते. दरम्यान, उतारावर उभी असलेली देवरी पोलीस ठाणे प्रभारी यांची स्कॉर्पिओ अचानक लडखडू लागली, कारने वेग घेतला आणि कारवरील नियंत्रण सुटले. यामध्ये रस्ता साफ करणारा सफाई कर्मचारी कारच्या खाली येऊन कर्मचारी प्रदिप हा गंभीर जखमी झाला आहे. तर त्याला तात्काळ उपचारासाठी रुग्णालयात दाखल करण्यात आले आहे. या घटनेचे सीसीटीव्ही फूटेज देखील समोर आले आहेत.
Jalgaon News : वादळी वारा, कुटुंब दरवाजा बंद करून घरात, अचानक वादळाने घर कोसळलं, चौघांचा मृत्यू; चिमुकला बचावला
याप्रकरणी मध्ये सागरचे पोलिस अधीक्षक यांनी तात्काळ कारवाईचा बडगा उगारला आहे. त्यांनी देवरी पोलीस ठाण्याचे प्रभारी रोहित डोंगरे आणि महिला पोलीस ठाण्याचे प्रभारी आनंद सिंग यांच्यावर निलंबनाची कारवाई केली आहे.

घडामोड अशी की, १ जुलैपासून देशात नवीन कायदे लागू होणार आहेत. ज्याचे प्रशिक्षण घेतल्यानंतर दोन्ही पोलीस ठाणे प्रभारी जेवणासाठी हॉटेलमध्ये गेले होते. सायंकाळी सहाच्या सुमारास महिला पोलिस ठाण्याचे प्रभारी आनंद सिंह जेवण करून रेस्टॉरंटमधून बाहेर आले आणि स्कॉर्पिओमध्ये बसले. त्यांनी चालकाला देवरी ठाणे प्रभारी रोहित डोंगरे यांना बोलावण्यासाठी पाठवले.

दरम्यान, उतारावर पार्क केलेली ही स्कॉर्पिओ अचानक लडखडू लागली आणि आनंद सिंग चालकाच्या शेजारी बसले होते, त्यामुळे डोगरेंना गाडीवर नियंत्रण ठेवता आले नाही. एवढ्यात वाहनाने वेग घेतला आणि काही मीटर पुढे असलेल्या सफाई कर्मचाऱ्याच्या अंगावर गेली. यानंतर, गाडी झाडावर जोरदार आदळली.
Cyclone Remal: रेमल चक्रीवादळाचा पश्चिम बंगालला तडाखा; बांगलादेशात ७ मृत्युमुखी, दीड कोटी लोक अंधारात
ठाणे प्रभारी तात्काळ गाडीतून खाली उतरले. त्यांनी जखमी प्रदिपला उचलून बुंदेलखंड मेडिकल कॉलेजमध्ये दाखल केले. जखमी प्रदिपच्या ओळखीच्या व्यक्तीनुसार तो या अपघातातून थोडक्यात बचावला आहे, त्याच्या डोक्याला दुखापत झाली असून हात, पाय आणि पोटावर ओरखडे आले आहेत. याप्रकरणी कारवाई करण्यात आली असून पुढील तपास सुरू असल्याचे अतिरिक्त एसपी लोकेश सिन्हा यांनी सांगितले.

Source link

Leave A Reply

Your email address will not be published.