Fact Check:पश्चिम दिल्लीतून आप उमेदवार महाबल मिश्रा यांना RSS चं पत्र? जाणून घ्या सत्य

नवी दिल्ली : देशात लोकसभा निवडणूक २०२४ च्या रणधुमाळीत, आरएसएसचं एक पत्र व्हायरल होत आहे. राष्ट्रीय स्वयंसेवक संघाने (आरएसएस) पश्चिम दिल्ली लोकसभा मतदारसंघातील आम आदमी पक्षाचे (आप) उमेदवार महाबल मिश्रा यांना पाठिंबा दिल्याचा दावा या पत्रात करण्यात आला आहे. मात्र बूमने याबाबत तपास केला असता ते व्हायरल पत्र खोटं असल्याचं समोर आलं आहे.

BOOM शी बोलताना, माजी RSS राज्य प्रचारक राजीव तुली यांनी व्हायरल पत्र फेक असल्याचं म्हटलं आणि संघ कधीही कोणत्याही पक्षाच्या उमेदवाराच्या समर्थनार्थ किंवा विरोधासाठी पत्र जारी करत नसल्याचं त्यांनी सांगितलं. एका फेसबुक युजरने पत्र शेअर करत लिहिलंय, की ‘आरएसएसने पश्चिम दिल्ली लोकसभा २०२४ चे उमेदवार श्री महाबल मिश्रा जी आम आदमी पार्टीला पूर्ण पाठिंबा दिला आहे. २५ मे रोजी संघाचे सर्व कार्यकर्ते झाडूचे बटण दाबतील.
Fact Check: पंतप्रधान मोदींनी गुरद्वारात रिकाम्या बादलीतून जेवण वाढलं? जाणून घ्या व्हायरल फोटोचं सत्य
व्हायरल पोस्ट
अर्काइव लिंक

फॅक्ट चेक

बूमच्या तपासणीत असं आढळून आलं, की व्हायरल पत्र फेक असून ते आरएसएसने जारी केलेलं नाही. पत्राची पडताळणी केली असता त्यात अनेक विसंगती दिसून येतात. तसंच, त्यावर डॉ. मनमोहन वैद्य यांची स्वाक्षरी आहे. अखिल भारतीय प्रचार प्रमुख असा त्यांच्या पदाचा उल्लेख करण्यात आला आहे.

डॉ. मनमोहन वैद्य यांच्या अधिकृत एक्स हँडलनुसार, ते सध्या आरएसएसचे सह सरकार्यवाह (संयुक्त सरचिटणीस) आहेत. (आर्काइव लिंक)

तर सुनील आंबेकर अखिल भारतीय प्रसिद्धी प्रमुख म्हणून काम पाहत असून, त्यांच्या एक्स अकाऊंटवर माहिती उपलब्ध आहे. (आर्काइव लिंक)

निष्कर्ष

याशिवाय आरएसएसच्या अधिकृत वेबसाईटवर सुनील आंबेकर हे प्रचार प्रमुख असल्याचा उल्लेख आहे. अधिक माहितीसाठी बूमने माजी आरएसएस राज्य प्रचारक राजीव तुली यांच्याशी संपर्क साधला. राजीव तुली यांनी बूमला दिलेल्या माहितीनुसार, ‘व्हायरल झालेले पत्र फेक आहे. अखिल भारतीय प्रचार प्रमुख म्हणून पत्रात नमूद केलेली डॉ. मनमोहन वैद्य यांची जबाबदारी ६ वर्षांपूर्वी होती. सध्या ते अखिल भारतीय कार्यकारिणीचे सदस्य आहेत. राजीव तुली असंही म्हणाले, की ‘संघ कधीही कोणत्याही पक्षाच्या किंवा उमेदवाराच्या समर्थनार्थ किंवा विरोधात पत्र काढत नाही.’

कोण आहेत महाबल मिश्रा?

एकेकाळी काँग्रेसचा प्रमुख पूर्वांचली चेहरा असलेले महाबल मिश्रा यावेळी पश्चिम दिल्लीतून आम आदमी पक्षाच्या तिकिटावर निवडणूक लढवत आहेत. २०२२ च्या एमसीडी निवडणुकीपूर्वीच त्यांनी अरविंद केजरीवाल यांच्या पक्षात प्रवेश केला होता. त्यांचा मुलगा विनय मिश्रा द्वारका विधानसभा मतदारसंघातून आपचा आमदार आहे. महाबल मिश्रा २००९ मध्ये पश्चिम दिल्लीतून खासदार म्हणून निवडून आले होते. त्या निवडणुकीत काँग्रेसने दिल्लीतील सातही जागा जिंकल्या होत्या.

(This story was originally published by Boom Fact Check, and republished by MT as part of the Shakti Collective.)