तरुणाला असह्य वेदना; पोटातून निघाले १० खिळे, १ किल्ली, नट बोल्ट अन् ८ सुया; डॉक्टर चकित

जयपूर: हरयाणातील एक तरुण लोहचुंबकासारखा बनला होता. त्याला लोखंडाची कोणतीही वस्तू दिसली की ती वस्तू तो गिळून टाकायचा. मग ते नट बोल्ट असो वा खिळे. परिस्थिती लवकरच हाताबाहेर गेली. त्याला रुग्णालयात दाखल करावं लागलं. जयपूरच्या सवाई मानसिंह रुग्णालयातील डॉक्टरांनी त्याच्यावर शस्त्रक्रिया केली. त्याच्या पोटातून लोखंडी खिळे, सुया, किल्ली आणि अनेक नट बोल्ट काढले.

पोटदुखीची समस्या घेऊन हरयाणाच्या रेवाडीतील तरुण राजस्थानच्या जयपूरला पोहोचला होता. त्याचे कुटुंबीय त्याला रुग्णालयात घेऊन गेले होते. डॉक्टरांनी तरुणाची तपासणी केली. तेव्हा त्यांना पोटात नट बोल्ट, खिळे आढळून आले. वरिष्ठ प्राध्यापक आणि युनिट हेड डॉ. राजेंद्र मांडियांनी दिलेल्या माहितीनुसार रुग्ण हरयाणाच्या रेवाडीचा रहिवासी आहे. ६ मे रोजी त्याला जयपूरला आणण्यात आलं. त्याच्या पोटात प्रचंड वेदना सुरु होत्या.
Thane News : आजोबा स्टुलावरून पडले, तळव्यात काहीसं घुसलं, ४ महिन्यांनी ऑपरेशन, पायातून विठ्ठलमूर्ती निघाली
तरुणाची मानसिक स्थिती ठीक नाही. त्याला लोखंडी वस्तू खाण्याचं व्यसन लागलं आहे, असं त्याच्या कुटुंबियांनी सांगितलं. लोखंडी वस्तू दिसताच तो त्या वस्तू गिळायचा. त्याचा एक्सरे आणि सिटी स्कॅन करण्यात आलं. त्याच्या पोटात अनेक वस्तू दिसून आल्या. मोठमोठे खिळे, सुया, नाणी, नटबोल्ट अशा वस्तू बाहेर काढणं आव्हानात्मक होतं. एसएमएसच्या डॉक्टरांनी रुग्णावर शस्त्रक्रिया करण्याचा निर्णय घेतला. तीन तास शस्त्रक्रिया चालली. लेप्रोस्कोपीच्या आधारे खिळे, सुया, नाणी, किल्ल्या, नट बोल्ट बाहेर काढण्यात आले. शस्त्रक्रियेनंतर रुग्णाची पोटदुखी थांबली. त्याला रुग्णालयातून डिस्चार्ज देण्यात आला आहे.
Pune Car Accident: तावरेचा मंत्रालयाच्या सहाव्या मजल्याशी संबंध काय? ‘ते’ ब्लर चेहरे कोणाचे? अंधारेंचे सवाल
रुग्णाच्या पोटातून १० खिळे, ८ सुया, एक चावी, काही नाणी आणि नट बोल्ट काढण्यात आले. लोखंडाचा एक खिळा आतड्यापर्यंत पोहोचलेला होता. डॉक्टरांनी दुर्बिणाच्या सहाय्यानं शस्त्रक्रिया केली. पोटातील लोखंडी वस्तू बाहेर काढल्यानंतर दुर्बिणीनंच टाके घालण्यात आले. डॉक्टरांनी अतिशय आव्हानात्मक शस्त्रक्रिया करत रुग्णाची असह्य वेदनांमधून सुटका केली.