Fact Check : राहुल गांधी म्हणाले मोदी पुन्हा पंतप्रधान बनणार? व्हायरल व्हिडिओचे सत्य काय

Rahul Gandhi Viral Video Fact Check : सोशल मीडियावर काँग्रेसनेते राहुल गांधी यांचा पीएम मोदींना समर्थन देणारा व्हिडिओ व्हायरल झालाय. लोकसभेच्या ऐन प्रचारात व्हिडिओ व्हायरल झाल्याने अनेकांचा भुवया उंचावल्या आहेत. व्हिडिओमध्ये राहुल गांधी लोकसभा निवडणुकीनंतर पीएम मोदींच पंतप्रधान बनणार तसेच इंडिया आघाडीला युपीमधील एक ही जागांवर यश मिळणार नाही असे बोलताना दिसतायत. हाच व्हिडिओ युट्युब, एक्स आणि फेसबुक या सोशल मीडियावर बराच व्हायरल झाला आहे. फेसबुकवर एकाने राहुल गांधींनी पराभव स्वीकारला आहे अशी टिप्पणी केली आहे. तर बाकी सोशल मिडिया युजर्स काय म्हणतात तुम्ही इथे, इथे, इथे, इथे आणि इथे पाहू शकता. व्हायरल झालेला हाच व्हिडिओ पूर्णपणे एडिटेड आहे.

व्हायरल व्हिडिओत राहुल गांधी काय म्हणाले?

सोशल मीडियावर व्हायरल झालेल्या व्हिडिओत राहुल गांधी म्हणतात की नरेंद्र मोदींच भारताचे पंतप्रधान राहतील. ४ जूननंतर तुम्ही लिहून घ्या मोदींच पीएम बनतील, जे काम आणि मेहनत करायची ती आपण केली. तुम्ही बघाच उत्तर प्रदेशात इंडिया आघाडीला एकही जागा मिळणार नाही असे बोलताना व्हिडिओत राहुल गांधी दिसतात.

Fact Check : निवडणुकीच्या गॅरंटीला अर्थ नाही, पंतप्रधान मोदींसाठी अमित शाह असं म्हणाले? जाणून घ्या सत्य

व्हायरल व्हिडिओचा रिसर्च केल्यावर व्हिडिओचे सत्य समोर आले. सर्वात आधी लॉजीकली फॅक्ट टीमने पुर्ण व्हिडिओ शोधून काढला. १० मे २०२४ ला अधिकृत व्हिडिओ काँग्रेसच्या युट्युब चॅनलवर मिळाला. मिळालेला व्हिडिओ उत्तरप्रदेशमधील कानपुरमधला आहे जिथे राहुल गांधींनी एका सभेला संबोधित करताना दिसतायत.
सुरुवातीच्या ५७ सेकंदानंतर राहुल गांधी म्हणतात भाईयो, बहनो सुरुवातीलाच मी तुम्हाला सांगतो जे तुम्हाला हिंदुस्तान मिडिया कधीच सांगणार नाही. पण सत्य हेच आहे की ४ जून २०२४ नंतर नरेंद्र मोदी पंतप्रधान राहणार नाहीत, तुम्ही लिहून घ्या की नरेंद्र मोदी भारताचे पंतप्रधान बनू शकणार नाहीत. आम्हाला जे करायचे ते आम्ही केले आता उत्तरप्रदेशमध्ये इंडिया आघाडीला ५० च्या खाली एक सीट मिळणार नाही.

आम्ही प्रत्येक ठिकाणी भाजपला रोखले, राहुल गांधी माध्यमांकडे इशारा करत म्हणतात यांचे चेहरे बघितले तर हास्य दिसेल कारण यांना पण माहिते मोदी पीएम यंदा बनू शकणार नाहीत. ७५ सेकंद पासून ते २.४८ मिनिटांचा राहुल गांधींचा बोलताना हा व्हिडिओ दिसतो, पण यावरुन स्पष्ट होते व्हायरल झालेला व्हिडिओ राहुल गांधींचा नाही, व्हायरल केलेला व्हिडिओ एडिट करुन पोस्ट केला आहे.

निष्कर्ष : Logically Fact यांच्या पडताळणीनुसार राहुल गांधी यांनी नरेंद्र मोदी पुन्हा सत्तेत येवून पंतप्रधान बनतील असे भाष्य केले नाही.सोशल मीडियावर व्हायरल होणारा व्हिडिओ एडिट केलेला आहे आणि लोकसभेत दिशा भरकवटण्यासाठी शेअर केला जात आहे.

(This story was originally published by Logically Fact, and republished by Maharashtra Times as part of the shakti collective)