Fact Check : साध्वी आणि मौलाना यांच्या लग्नाचा फोटो व्हायरल, काय आहे सत्य?

नवी दिल्ली : लोकसभा निवडणुकीच्या सातव्या टप्प्यातील मतदानापूर्वी एक फोटो सोशल मीडियावर व्हायरल होत आहे. या फोटोमध्ये साध्वी आणि एक टोपी घातलेला मुस्लिम व्यक्ती दिसत आहे. काही युजर्स हा फोटो शेअर करत असून, साध्वी रश्मिका सरस्वतीने एका वृद्ध मौलानाशी लग्न केल्याचा दावा केला जात आहे.

विश्वास न्यूजने या फोटोची पडताळणी केली त्यावेळी हा फोटो एडिट केला असल्याचं समोर आलं आहे. जयपूरच्या हवामहल विधानसभा मतदारसंघातील भाजप आमदार बालमुकुंद आचार्य यांचा फोटो एडिट करुन चुकीच्या दाव्यासह तो सोशल मीडियावर व्हायरल केला जात आहे.

काय आहे व्हायरल पोस्ट?

एका एक्स युजरने CONSTITUTIONAL HUMAN BEING (आर्काइव लिंक) २८ मे रोजी एक फोटो शेअर केला होता. शेअर केलेल्या फोटोवर साध्वी रश्मिका सरस्वतीने एका वृद्ध मौलानाशी लग्न केल्याचं लिहिलं होतं.

फेसबुकवरही एका युजरने (आर्काइव लिंक) व्हायरल फोटो शेअर करत तसाच दावा केला होता.

पडताळणीत काय समोर?

व्हायरल फोटोची पडताळणी करण्यासाठी, विश्वास न्यूजने फोटो Google रिव्हर्स इमेजने सर्च केला. या पडताळणीत एक्स युजर @RituRathaur यांनी ६ डिसेंबर २०२३ रोजी आमदार बालमुकुंद आचार्य यांचा फोटो शेअर केले आहे. यामध्ये ते एका मुस्लिम व्यक्तीसोबत दिसत आहेत.

वाजिद खान नावाच्या एका एक्स युजरनेही ५ डिसेंबर २०२३ रोजी व्हायरल फोटोप्रमाणेच एक मिळता-जुळता फोटो शेअर (आर्काइव लिंक) केला आहे. या फोटोमध्येही युजरने फोटोतील व्यक्ती भाजप आमदार बालमुकुंद आचार्य असल्याचं सांगितलं आहे.
Fact Check: लोकसभा निवडणूक २०२४ मध्ये मतांची हेराफेरी झाली? जाणून घ्या व्हायरल व्हिडिओचं सत्य
६ डिसेंबर २०२३ रोजी एनडीटीव्ही राजस्थान वेबसाइटवर प्रकाशित झालेल्या बातमीमध्ये असं लिहिलं आहे, की राजस्थानमध्ये सरकार बदलताच, हवामहल विधानसभा मतदारसंघातून निवडून आलेले भाजप आमदार बालमुकुंद आचार्य यांचे अनेक व्हिडिओ व्हायरल होत आहेत. यामध्ये तो जयपूरमधील रस्त्याच्या कडेला असलेल्या मांसाहारी विक्रेत्यांना धमकावताना दिसत आहे. रस्त्यावर मांसाहार करणाऱ्यांवर कारवाई करण्याचा इशारा तो सरकारी अधिकाऱ्याला देत असल्याचं व्हिडिओमध्ये दिसत आहे.

भाजप आमदाराचा व्हिडिओ व्हायरल झाल्यानंतर त्यांचा आणखी एक व्हिडिओ समोर आला आहे, ज्यात ते माफी मागताना दिसत आहेत. ते जयपूरमधील हॉटेलमध्येही पोहोचले, जिथे त्यांनी वादग्रस्त वक्तव्य केलं होतं. तेथे त्यांनी हॉटेल मालकाला मिठी मारून पुष्पहार अर्पण केला. त्याचा फोटोही बातमीत अपलोड करण्यात आला आहे. त्याच्या कॅप्शनमध्ये लिहिलंय, की बालमुकुंदाचार्य जयपूरच्या एमएम खान हॉटेलच्या मालकाला भेटले.

बातमीत अपलोड केलेल्या फोटोत बालमुकुंदाचार्य आणि एक मुस्लिम व्यक्ती दिसत आहेत, तर व्हायरल झालेल्या फोटोमध्ये साध्वी सरस्वती आणि एक मुस्लिम व्यक्ती दिसत आहे. दोन्ही फोटो सारखेच आहेत, व्हायरल झालेल्या चित्रात बालमुकुंदाचार्याऐवजी साध्वी सरस्वती यांचा चेहरा दिसत आहे. यावरुन व्हायरल झालेला फोटो डिजिटल पद्धतीने तयार केल्याचं दिसतं आहे.

याबाबत विश्वास न्यूजने जयपूरचे स्थानिक टीव्ही पत्रकार संतोष पांडे यांच्याशी संपर्क साधला आणि त्यांना व्हायरल झालेला फोटो पाठवला. बालमुकुंदाचार्य आणि हॉटेल मालकाचे फोटो एडिट करून शेअर केला जात असल्याचं त्यांनी सांगितले. हा फोटो फेक आहे.

एडिट केलेला फोटो शेअर करणाऱ्या एक्स युजरच्या प्रोफाइल स्कॅन केलं. त्यात एका विचारधारेचा प्रभाव असलेल्या युजरचे सुमारे ७५०० फॉलोअर्स आहेत.

निष्कर्ष

साध्वी रश्मिका सरस्वती आणि मौलाना यांच्या लग्नाच्या दाव्यासह फोटो सोशल मीडियावर व्हायरल होत आहे. हा फोटो डिजिटली एडिट केला असून युजर्स हा फोटो खरा समजून शेअर करत आहेत.

(This story was originally published by vishvas news, and republished by MT as part of the Shakti Collective.)