Milk Price Hike: अमूल दुधाच्या दरात वाढ, सर्वसामान्यांना मोजावे लागणार अधिक पैसे; जाणून घ्या नवे रेट

नवी दिल्ली : लोकसभा निवडणुकीच्या निकालांपूर्वी सर्वसामान्यांना मोठा झटका बसला आहे. अमूल दुधाच्या किमतीत वाढ करण्यात आली आहे. अमूल ब्रँड अंतर्गत दुग्धजन्य पदार्थांची विक्री करणाऱ्या गुजरात कोऑपरेटिव्ह मिल्क मार्केटिंग फेडरेशनने (GCMMF) दुधाच्या दरात लिटरमागे २ रुपयांची वाढ जाहीर केली आहे. अमूल दूध खरेदी आता महाग होणार आहे. अमूलच्या नवीन किमतींनुसार, अमूल गोल्ड ५०० मिली लिटरमागे २ रुपयांनी वाढून ३३ रुपये झालं आहे. सोमवारपासून या किंमती लागू होणार आहेत.

अमूल गोल्ड, अमूल शक्ती, अमूल टी स्पेशल दुधाच्या दरात वाढ करण्यात आली आहे. आता अमूल गोल्डची किंमत ६४ रुपये लिटरवरुन ६६ रुपये लिटर होणार आहे. तर अमूल टी स्पेशलची प्रति लिटर किंमत ६२ रुपयांवरून ६४ रुपयांपर्यंत वाढणार आहे. एवढंच नाही तर अमूल शक्तीचा भाव ६० रुपयांवरून ६२ रुपये प्रतिलिटरपर्यंत वाढणार असून, दह्याचे दरही वाढले आहेत.
Jalgaon Ramdevwadi Accident : जळगाव हिट अँड रन प्रकरण : शासनाकडून ५ लाखांची मदत जाहीर, पण पीडितांच्या हाती ८ दिवसांनंतरही रक्कम नाहीच
अमूल गोल्डचे ५०० मिली पॅकेट आता ३२ रुपयांऐवजी ३३ रुपयांना मिळणार आहे. अशाप्रकारे एक लिटरच्या दरात दोन रुपयांनी वाढ करण्यात आली आहे. अमूल शक्ती पॅक ३० रुपयांना आणि अमूल ताझा २७ रुपयांना उपलब्ध असेल. अमूल दूध पूर्वी ६४ रुपये प्रतिलिटर दराने उपलब्ध होते, आता त्याची किंमत ६६ रुपये झाली आहे. ही वाढ १४ महिन्यांनंतर करण्यात आली आहे.

सर्वसामान्यांना फटका

लोकसभा निवडणुकीचा निकाल जवळ आला आहेत. निवडणुकीच्या निकालापूर्वी अमूलने सर्वसामान्यांना धक्का दिला आहे. अमूलच्या या वाढीव दराचा परिणाम थेट सर्वसामान्यांच्या खिशावर होणार आहे. GCMMF च्या घोषणेनुसार, अमूल दूध, अमूल गोल्ड, अमूल ताजा आणि अमूल शक्तीच्या किमती वाढवण्यात आल्या आहेत. अमूल ताजाच्या लहान पॅकेटच्या दरात कोणतीही वाढ करण्यात आलेली नाही.