मोठा उलटफेर? ५ राज्यांनी वाढवलं भाजपचं टेन्शन; सत्ताधाऱ्यांना कुठे किती मोठा फटका?

नवी दिल्ली: गेल्या निवडणुकीत भाजपला साथ देणाऱ्या राज्यांनी यंदा मात्र सत्ताधाऱ्यांचं टेन्शन वाढवलं आहे. सुरुवातीच्या कलांमध्ये भाजपला ५ महत्त्वाच्या राज्यांमध्ये मोठा फटका दिसताना आहे. काँग्रेसचा समावेश असलेल्या इंडिया आघाडीनं या राज्यांमध्ये भाजपला धक्का दिला आहे. भाजपच्या जागा घटताना दिसत आहे.

उत्तर प्रदेशात गेल्या निवडणुकीत भाजपनं ८० पैकी ६२ जागा जिंकल्या होत्या. मित्रपक्षांसह भाजपनं ६४ जागा खिशात घातल्या होत्या. समाजवादी पक्ष, बसपाच्या आघाडीला केवळ १५ जागा मिळाल्या होत्या. सध्याच्या घडीला भाजप ३७ जागांवर पुढे आहे. तर सपा ३३, काँग्रेस ७ जागांवर पुढे आहे. त्यामुळे इंडिया आघाडी ४० जागी आघाडीवर आहे. देशातील मोठ्या राज्यात भाजपला झटका बसताना दिसतोय.

महाराष्ट्रानं गेल्या निवडणुकीत एनडीएच्या ४१ जागा निवडून आल्या होत्या. त्यात भाजपच्या २३ आणि शिवसेनेच्या १८ जागा होत्या. सध्या राज्यात भाजप १२ जागांवर पुढे आहे. तर शिंदेसेना ६, अजित पवारांची राष्ट्रवादी ४ जागांवर पुढे आहे. तर मविआनं सुसाट कामगिरी आहे. ठाकरेसेना आणि काँग्रेस प्रत्येकी १० जागांवर पुढे आहे. तर पवारांची राष्ट्रवादी ७ जागांवर पुढे आहे.
Uttar Pradesh Lok Sabha Election Result 2024: उत्तर प्रदेशात भाजपचा गेम? मोदींसह दिग्गज पिछाडीवर; सपा सुस्साट, एनडीएला कडवी टक्कर
राजस्थानात गेल्या लोकसभा निवडणुकीत भाजपनं २५ पैकी २४ जागा जिंकल्या होत्या. सध्याच्या घडीला भाजप १३ जागांवर पुढे आहे, तर काँग्रेस ९ जागांवर आघाडीवर आहे. हरयाणातील १० पैकी १० जागा भाजपनं गेल्या निवडणुकीत जिंकल्या होत्या. यंदा इथे काँग्रेसनं मुसंडी मारली आहे. काँग्रेसचे उमेदवार ५ जागांवर पुढे आहेत. तर भाजप ४ आणि आप १ जागेवर पुढे आहे.

पश्चिम बंगालमध्ये मागील निवडणुकीत भाजपनं मुसंडी मारत १८ जागा जिंकल्या होत्या. तृणमूल काँग्रेसनं २२ जागा खिशात घातल्या होत्या. भाजपच्या १६ जागा वाढल्या होत्या. सध्याच्या घडीला तृणमूल काँग्रेसचे २४ उमेदवार आघाडीवर आहेत. भाजपला ८ मतदारसंघात आघाडी आहे. तर काँग्रेसला ३ जागांवर आघाडी आहे.