Lok sabha Election Result 2024: कोईम्बतूरमध्ये भाजपच्या अण्णामलाई यांचा ‘गेम’ होणार ? द्रमुकचे गणपती पी राजकुमार ८१ हजार मतांनी आघाडीवर

चेन्नई : तामिळनाडूच्या कोईम्बतूर लोकसभा मतदारसंघातून भाजपचे के अन्नामलाई पिछाडीवर आहेत. तामिळनाडू भाजपचे अध्यक्ष के. अन्नामलाई, द्रमुकचे गणपती पी राजकुमार आणि एआयएडीएमकेचे सिंगाई जी रामचंद्रन यांच्या विरोधात निवडणूक लढवत आहेत. द्रमुक हा इंडिया आघाडीचा घटक पक्ष भाग आहे. आतापर्यंतच्या मतमोजणीनुसार गणपती पी राजकुमार यांना ८१ हजारांहून अधिक मते मिळाली आहेत, तर अन्नामलाई यांना ६२ हजार इतके मते मिळाली आहेत.

2019 च्या निवडणुकीचा निकाल काय होता ?

गेल्या 2019 च्या लोकसभा निवडणुकीत सीपीएमचे पीआर नटराजन यांनी ही जागा जिंकली होती. यूपीए आघाडीच्या खात्यातून ही जागा सीपीएमला मिळाली. नजरजान 46 टक्के मतांसह पहिल्या क्रमांकावर होते. व त्यांना सुमारे 5 लाख 71 हजार मते मिळाली. भाजपचे सीपी राधाकृष्णन 3 लाख 92 हजार मतांसह दुसऱ्या क्रमांकावर होती. त्यांची मतांची टक्केवारी 31 च्या आसपास होती. एमएनएमचे आर महेंद्रन तिसऱ्या क्रमांकावर होते. त्यांना अंदाजे एक लाख 45 हजार मते मिळाली. त्यांची मतांची टक्केवारी 12 च्या आसपास होती.

2004 च्या लोकसभा निवडणुकीबद्दल बोलायचे झाले तर एआयएडीएमके चे पी नागराजन यांनी ही जागा जिंकली होती. त्यांना सुमारे 4 लाख 31 हजार मते मिळाली. त्यांच्या मतांची टक्केवारी 37 होती. भाजपचे सीपी राधाकृष्णन जवळपास 3 लाख 90 हजार मतांसह दुसऱ्या क्रमांकावर होते. त्यांच्या मतांची टक्केवारी 34 होती. तर द्रमुकचे के गणेशकुमार सुमारे 2 लाख 17 हजार मतांसह तिसऱ्या क्रमांकावर होते. त्यांची मतांची टक्केवारी 19 च्या आसपास होती.
Panjab Lok sabha : पंजाब ‘आप’ला नाकारणार ? कॉंग्रेसची 7 जागांवर आघाडी, आप 3 जागांवर तर अकाली दल 1 जागेवर आघाडी

कोईम्बतूरच्या जागेचं समीकरण कसं आहे?

यंदाच्या निवडणुकीत अण्णामलाई, सिंगाईजी रामचंद्रन, पी राजकुमार यांच्यात तिहेरी लढत आहे. यामध्ये कोईम्बतूरचे माजी महापौर आणि द्रमुकचे उमेदवार पी राजकुमार हे सध्या आघाडीवर असून त्यांनी चांगलीच कंबर कसली आहे. अण्णामलाई यांनी तामीळनाडूमध्ये भाजपचा पाया रोवण्याचा काम सुरू केलं आहे. त्यामुळे आता या तिहेरी लढतीत कोण बाजी मारतंय? हे बघण महत्वाचं असणार आहे.