Guruvarche Upay : गुरुवारी आवर्जून करा हे उपाय, क्षणात बदेल तुमचं झोपलेलं नशिब; पैशांचा पडेल पाऊस

Thursday Remedies marathi :

हिंदू धर्मात प्रत्येक दिवस हा पूजनीय मानला जातो. आठवड्यातील ७ दिवस कोणत्या ना कोणत्या देवाला समर्पित करण्यात आला आहे.

गुरुवारला अनेक प्रकारे धार्मिक महत्त्व प्राप्त झाले आहे. हा दिवस भगवान विष्णूलाही समर्पित करण्यात आला आहे. गुरु हा ग्रह सुख, सौभाग्य, कीर्ती, वैभव, संपत्ती इत्यादींचा कारक मानला जातो.

देवगुरु बृहस्पतिच्या कृपेने अनेक कार्य व्यवस्थितरित्या पार पडतात. वैवाहिक जीवनातील अडथळे दूर होतात. गुरुवारी काही महत्त्वाचे उपाय केल्याने कुंडलीतून गुरु दोष दूर होतो आणि भगवान विष्णूच्या कृपेने जीवनात सुख-शांती येते. तसेच प्रगती आणि लाभाच्या नवीन संधी मिळतात.

गुरुवारी करा हे उपाय

1. नोकरी- व्यवसायात प्रगती हवी असेल तर गुरुवारी घरातील पूजेच्या खोलीत हळदीची हार लावा तसेच पिवळे कपडे घाला. यासोबतच कपाळावर हळदीचा टिळा लावा. असे केल्याने कुंडलीतील गुरुची स्थिती मजबूत होते. जीवनात सतत येणाऱ्या समस्यांपासून मुक्ती मिळते. यासोबतच घराच्या मुख्य प्रवेशद्वाराच्या दोन्ही बाजूला हरभरा डाळ आणि गूळ ठेवा

2. गुरुवारी सुर्योदयाच्या वेळी स्नान करुन ध्यान करावे. भगवान विष्णू आणि देवी लक्ष्मीची पूजा करा. पूजेनंतर देवाला केळी अर्पण करा. तसेच पिवळी फुले, हरभरा डाळ आणि गुळही अर्पण करा. यानंतर विष्णुसहस्रनामाचे पठण करा. असे केल्याने घरात सुख-समृद्धी वाढते.

3. गुरुवारी पिवळे वस्त्र परिधान करुन केळीच्या झाडाची पूजा करणे खूप शुभ मानले जाते. केळीच्या मुळाला हरभऱ्याची डाळ, गूळ अर्पण करुन तुपाचे पाच दिवे लावावे. यानंतर भगवान विष्णू आणि देवी लक्ष्मीची पूजा करावी. असे केल्याने वैवाहिक जीवनातील अडथळे दूर होतील.

4. नोकरीत बढती आणि पगारवाढ मिळवण्यासाठी पिवळ्या कपड्यात पिवळी फुले, नारळ, पिवळी फळे, हळद, कच्चे मीठ बांधून गुरुवारी मंदिरात अर्पण करा. असे केल्याने दारिद्रय दूर होते तसेच जीवनातील प्रगतीचे मार्ग मोकळे होतात.

टीप : ही सर्व माहिती भाविकांची श्रद्धा लक्षात घेऊन दिली जात आहे, तुमच्या श्रद्धा आणि विश्वासावर ज्योतिष उपाय आणि सल्ला वापरून पाहा. याचा उद्देश फक्त तुम्हाला चांगला सल्ला देणे आहे. या संदर्भात आम्ही कोणताही दावा करत नाही.