Lok sabha Election Result: ३३ जागांवर ६ लाख मतांनी पलटली बाजी, जाणून घ्या कसा फिरला ‘गेम’

Bjp Performance in Lok sabha Election, नवी दिल्ली : लोकसभा निवडणुकीचे निकाल लागताच राजकीय तज्ज्ञ आकडेमोड करण्यात व्यस्त आहेत. यावेळी भाजपने स्वबळावर लोकसभेच्या २४० जागा जिंकल्या, तर एनडीएला २९३ जागा मिळाल्या. ५४३ सदस्यांच्या सभागृहात २७२ च्या बहुमताच्या आकड्यापेक्षा ही २० जागा जास्त आहेत. मात्र ही कामगिरी 2014 आणि 2019 च्या लोकसभा निवडणुकीत भाजपच्या चमकदार कामगिरीपेक्षा खूपच कमी जागा वाट्याला आल्या आहेत. मागील दोन्ही वेळी भाजपने स्वबळावर बहुमताचा आकडा गाठला होता. या निवडणुकीच्या विश्लेषणावरून असे दिसून येते की जवळपास 33 जागा अशा आहेत जिथे लढत अगदी काटें की टक्कर होती. या जागांवर भाजपला अतिरिक्त ६,२६,३११ मते मिळाली असती, तर पक्षाला स्वबळावर बहुमत मिळवता आले असते.
Lok Sabha: अनपेक्षित उमेदवारांची बाजी, दिग्गजांवर नाराजी, डोळे विस्फारणाऱ्या सर्वात इंटरेस्टिंग १० लोकसभा जागाचंदीगडमध्ये भाजपचा 2504 मतांच्या फरकाने पराभव झाला, तर उत्तर प्रदेशातील हमीरपूरमध्ये केवळ 2,629 मतं भाजपला कमी पडली. यूपीच्या सलेमपूरमध्ये भाजप उमेदवाराला ३,५७३ मतांनी पराभव स्वीकारावा लागला. दुसरीकडे, महाराष्ट्रातील धुळ्यात पक्षाचा अवघ्या ३,८३१ मतांनी पराभव झाला. यूपीच्या धौहरामध्ये भाजप उमेदवाराला ४,४४९ मतांनी पराभव स्वीकारावा लागला. याशिवाय इतरही काही जागा अशा होत्या, जिथे विजयाचे अंतर फारच कमी होते. यामध्ये दक्षिण गोव्याच्या जागेचा समावेश आहे, जिथे भाजपचा 13535 मतांनी पराभव झाला. आंध्र प्रदेशमध्ये तिरुपती मतदार संघात 14,569 मतांनी ही जागा गमावली, तर केरळमधील तिरुवनंतपुरममध्ये 16,077 मतांनी पराभवाचा सामना करावा लागला.
Lok Sabha Election Result 2024: भाजप ठासून की घासून? ४० जागा ठरवणार सत्ताधाऱ्यांचं भवितव्य, अटीतटीच्या लढतीत कोण वरचढ?

यावेळी भाजपच्या जागांमध्ये झाली आहे 21 टक्के घट

त्याच बरोबर काही जागा अशा होत्या, जिथे भाजपच्या पराभवाचे अंतर थोडे जास्त होते. फतेहपूर, यूपीमध्ये पक्षाचा 33,199 मतांनी पराभव झाला, तर खेरीमध्ये भाजप उमेदवाराचा 34,329 मतांनी पराभव झाला. एकूणच अशा जवळपास 33 जागा आहेत, जिथे भाजपच्या उमेदवाराला जवळच्या फरकाने पराभवाला सामोरे जावे लागले आहे. भविष्यातील निवडणुका लक्षात घेऊन भाजपने या जागांवर आपली रणनीती थोडी बदलण्याची गरज आहे, जेणेकरून काही मतांनी झालेल्या पराभवाचे विजयात रूपांतर करता येईल. एकूणच या निवडणुकीत भाजपच्या जागांमध्ये 21 टक्क्यांनी घट झाली आहे. काँग्रेसबद्दल बोलायचे तर त्यांच्या जागांमध्ये 90 टक्क्यांनी लक्षणीय वाढ झाली आहे.

या निवडणुकीत भाजपने उभे केले होते 441 उमेदवार

यावेळी भाजपने ४४१ जागांवर निवडणूक लढवली, तर काँग्रेसने ३२८ जागांवर उमेदवार उभे केले. पुढील विश्लेषणावर, असे दिसून येते की भाजपने विद्यमान खासदारांना उभे केलेल्या 168 जागांपैकी पक्षाने 111 जागा जिंकल्या, जे एकूण जागांच्या 66 टक्के आहे. दुसरीकडे, विद्यमान खासदारांना तिकीट न दिलेल्या १३२ जागांपैकी पक्षाने ९५ जागा जिंकल्या, म्हणजे एकूण जागांच्या ७२ टक्के. यावरून काही जागांवर उमेदवार बदलून सत्ताविरोधी भावना रोखण्यात पक्षाला यश आल्याचे दिसून येते. मात्र, संसदेत बहुमताचा आकडा कमी पडल्यामुळे भाजपला नितीशकुमार आणि चंद्राबाबू नायडू यांसारख्या मित्रपक्षांच्या इच्छेवर अवलंबून राहावे लागू शकते.