प्रेमात विश्वासघात केला तिनं! प्रेयसीचा गळा कापणारा तरुण हसत म्हणतो, मी संजय दत्तचा फॅन!

UP Crime News : युपीत एक धक्कादायक प्रकार घडला आहे. प्रियकराने प्रेयसीला स्माशनभूमीत नेत तिची निर्घृण हत्या करत तिला यमसदनी धाडले आहे. आरोपी प्रियकराचा व्हिडिओ सध्या सोशल मीडियावर व्हायरल होत आहे. प्रेयसीचे बाहेर अनैतिक संबंध होते याच कारणावरुन तिचा खून केला असे आरोपी कबूल करताना व्हिडिओ मध्ये दिसत आहे. बल्लू माझे नाव मी संजय दत्तचा फॅन आहे असे म्हणताना तरुण आढळतोय. आरोपीचे खरे नाव अदनान असे आहे. आरोपीची अडीच वर्षाची कमाई प्रेयसीने लंपास केले त्यामुळे तिला मृत्यू हीच एक शिक्षा आहे असे आरोपी प्रियकर बोलताना दिसतोय. युपीतील बुलंदशहरमधील खुर्जा नगर परिसरातील स्माशनभूमीत हा सगळा प्रकार घडला आहे.

घडलेल्या घटनेबद्दल आरोपीला कोणताही पश्चाताप नाही असे प्रियकर व्हिडिओमध्ये बोलताना दिसत आहे. माझ्या मित्राने जर मला धोका दिला तरीही मी मित्रालाही असाच मारेल असे आरोपी तरुण दावा करतोय. आरोपीच्या व्हिडिओची सुरुवात ‘काट डाली गर्दन’या शब्दांनी होते. प्रेयसीने मला धोका दिला आणि धोक्याची शिक्षा मृत्यू आहे म्हणून तिला मी मारले असे बोलताना दिसतोय. यावर स्थानिक रिपोर्टर त्याला व्हिडिओत विचारताना पाहायला मिळते कोणता चित्रपट पाहून गुन्हा केला यावर आरोपी ‘बल्लू’ असे नाव सांगत खलनायक चित्रपटातील पात्राची आठवण करुन देत निर्लज्जपणे हसताना दिसत आहे. आपण संजय दत्त यांचा चाहता आहे असे तो म्हणतोय आणि धोका दिला तर शिक्षा मृत्यू हेच वाक्य बोलताना दिसतोय.
प्रेमसंबंधाला मुलीच्या कुटुंबियांचा विरोध, प्रियकराने भरस्त्यात प्रेयसीला संपवलं, फोटो व्हायरल होताच…

साधारण अडीच वर्षापासून आरोपी तरुण आणि त्याची प्रेयसी एकत्र राहत होते. प्रेयसीचे आधीच लग्न झाले होते पण ती नवऱ्याला सोडून प्रियकर ‘अदनान’ सोबत राहत होती. पण आता प्रियकरालाच आपल्या प्रेयसीचे बाहेर अनैतिक संबंध आहेत असा संशय आला आणि त्याने प्रेयसीला संपवले. पोलिसांच्या ताब्यात असलेला आरोपी पोलिसांनीही धमकी देताना आढळतोय. माझ्या घरच्यांना काही केलेत तर तुमची घरे उडवून देईन असे म्हणताना आढळतोय.

प्रेयसीचे नाव आसमा असे असून सध्या तिचा मृतदेह पोस्टमॉर्टमसाठी पाठवण्यात आला आहे. याप्रकरणी पुढील तपासासाठी पोलिसांनी आरोपीला अटक केली आहे.