Tej Police Times
वृत्तसंस्था, इस्लामाबाद : गेल्या आर्थिक वर्षात (२०२३-२४) पाकिस्तानातील गाढवांच्या संख्येत १.७२ टक्क्यांची वाढ होऊन ५९ लाख झाली आहे. आर्थिक पाहणी अहवालात पशुधनावरील ताज्या अधिकृत आकडेवारीनुसार ही माहिती मंगळवारी जाहीर करण्यात आली आहे.
सन २०१९-२०मध्ये पाकिस्तानातील गाढवांची संख्या ५५ लाख, २०२०-२१मध्ये ५६ लाख, २०२१-२२मध्ये ५७ लाख आणि २०२२-२३मध्ये ५८ लाख होती. आता त्यात १.७२ टक्क्यांची वाढ झाल्याने ही संख्या ५९ लाख झाल्याचे आकडेवारीवरून स्पष्ट झाले आहे. मात्र, येथील घोडे आणि खेचर या जनावरांच्या संख्येत फारशी वाढ झालेली नसून, त्यांची संख्या अनुक्रमे चार लाख आणि दोन लाख आहे.
नव्या संसदेत बसणार साक्षात धनकुबेर; ९३ टक्के खासदार कोट्यधीश, जाणून घ्या टॉप-३मध्ये कोण?
अर्थमंत्री महंमद औरंगजेब यांनी बुधवारी देशाचा आर्थिक पाहणी अहवाल प्रसिद्ध केला. त्यात इतर पशुधनाचा तपशीलही देण्यात आला आहे. त्यानुसार गायींची संख्या पाच कोटी ७५ लाख, म्हशींची संख्या चार कोटी ६३ लाख, मेंढ्यांची संख्या तीन कोटी २७ लाख आणि शेळ्या आठ कोटी सात लाख झाली आहे. येथील उंटांची संख्या गेल्या आर्थिक वर्षात एक कोटी एक लाखावरून एक कोटी दोन लाख झाली आहे. प्राण्यांचे संगोपन हा पाकिस्तानच्या ग्रामीण अर्थव्यवस्थेचा कणा असून, येथील आठ लाखांहून अधिक कुटुंबे पशुधन उत्पादनात कार्यरत आहेत.